ໄຟໄໝ້ເຮືອຂ້າມຟາກສັນຊາດອີຕາລີ ກາງທະເລເມດີແຕຣານຽນ ປະເທດແອັດສະປາຍ ຜູ້ໂດຍສານ ແລະ ລູກເຮືອໄດ້ຮັບການຊ່ວຍເຫລືອປອດໄພ ມີຜູ້ບາດເຈັບເລັກໜ້ອຍ 3 ຄົນ.
ສຳນັກຂ່າວຕ່າງປະເທດ ລາຍງານໃນວັນທີ 29 ເມສານີ້ວວ່າ ເກີດເຫດເຮືອຂ້າມຟາກ ຊໍເຣນໂຊ ຂອງບໍລິສັດສັນຊາດອີຕາລີ ໄຟໄໝ້ຢູ່ກາງທະເລເມດິແຕຣານຽນ ໃນຂະນະທີ່ກຳລັງເດີນທາງຈາກເກາະມາຢໍກາມາ ໄປຍັງທ່າເຮືອບາເລນເຊຍ ປະເທດແອັດສະປາຍ ເຊິ່ງມີຜູ້ໂດຍສານ ແລະ ລູກເຮືອທັງໝົດ 156 ຄົນ ໂດຍພາຍຫລັງເກີດເຫດ ເຈົ້າໜ້າທີ່ໜ່ວຍສຸກເສີນແອັດສະປາຍ ໄດ້ດຳເນີນການອົບພະຍົບຜູ້ໂດຍສານ ແລະ ລູກເຮືອຢ່າງໜ້ອຍ 150 ຄົນ ຂຶ້ນສູ່ເຮືອອີກລຳໜຶ່ງໄດ້ຢ່າງປອດໄພ ໂດຍເບື້ອງຕົ້ນມີລາຍງານຜູ້ໄດ້ຮັບບາດເຈັບເລັກໜ້ອຍ 3 ຄົນ.
ທັງນີ້ ເຫດການດັ່ງກ່າວ ຍັງບໍ່ທັນຮູ້ສາເຫດຕົ້ນຕໍທີ່ພາໃຫ້ເກີດມີໄຟໄໝ້ ແຕ່ສື່ມວນຊົນໃນທ້ອງຖິ່ນຂອງແອັດສະປາຍລາຍງານວ່າ ໄຟໄໝ້ໄດ້ມີຈຸດເລີ່ມຕົ້ນມາຈາກຫ້ອງເຄື່ອງຈັກຂອງເຮືອ.
