-ຫາສິ່ງທີ່ເໝາະກັບຕົວເອງ ແມ່ນຢູ່ວ່າການແຕ້ມຄິ້ວແບບໜາຈະເປັນເທນແຕ່ງໜ້າສຸດຮ໋ອດໃນໄລຍະນີ້ ແຕ່ໃຫ້ຮູ້ວ່າອີກບໍ່ດົນເທນນີ້ກໍຈະເລືອນລາງຫາຍໄປຕາມການເວລາທາງທີ່ດີສາວໆຄວນຈະຮູ້ຈັກໃບໜ້າຂອງຕົວເອງແລະຮູ້ວ່າການແຕ່ງໜ້າແບບໃດເໝາະກັບຕົວເອງຫລາຍທີ່ສຸດຈະດີກວ່າເພາະເຈົ້າຈະງາມໄດ້ໃນແບບຕົວເອງ
-ແສງທຳມະຊາດດີທີ່ສຸດ ຖ້າບໍ່ຢາກແຕ່ງໜ້າອອກມາແລ້ວພາດຊະນິດທີ່ຮຽກວ່າແລ້ວອອກມາເປັນໜ້າຂາວຟູໜແຕ່ຄໍດຳກໍລອງຊື້ແວ່ນໃຫຍ່ໆມາຕິດໄວ້ໃກ້ປະຕູປ່ອງຢ້ຽມເບິ່ງເວລາຈະແຕ່ງໜ້າໃຫ້ເປີດຜ້າກັ້ງອອກເພື່ອໃຫ້ແສງຈາກທຳມະຊາດເຂົ້າມາໃຫ້ຫລາຍທີ່ສຸດພຽງເທົ່ານີ້ແຫລະແຕ່ງແນວໃດກໍງາມ —ບຳລຸງທຸກເທື່ອຫລັງລ້າງໜ້າຢ່າຄິດວ່າທຸກບັນຫາຜິວຈະເອົາຢູ່ໄດ້ດ້ວຍຮອງພື້ນພຽງຢ່າງດຽວເພາະຖ້າຜິວເຈົ້າແຫ້ງແຕກເປັນເກັດຂຶ້ນມາຍິ່ງລົງຮອງພື້ນທັບໄປຍິ່ງຈະເບິ່ງບໍ່ດີທາງທີ່ດີຫລັງລ້າງໜ້າທຸກເຊົ້າໃຫ້ຮີບຫາມອຍເຈີໄລເຊີມາບຳລຸງຜິວໃຫ້ໄວຫລັງຈາກນັ້ນບໍ່ວ່າຈະລົງເມກອັບອັນໃດຕໍ່ຜິວກໍງາມບໍ່ມີບ່ອນຕິ
-ຢ່າລືມເບນເຄື່ອງສຳອາງ ສາວໆບາງຄົນຝີມືການແຕ່ງໜ້າຂັ້ນເທບແຕ່ມາຕົກມ້າຕາຍບ່ອນທີ່ບໍ່ເບນ ເຄື່ອງສຳອາງໃຫ້ນຽນເຂົ້າກັບຜິວນີ້ແຫລະພໍອອກມາກໍກາຍເປັນດ່າງໆບໍ່ນຽນຢ່າງທີ່ຕັ້ງໃຈໄວ້ທາງທີ່ດີລອງຫາຟອງນ້ຳຫລືແປງດີໆຈັກອັນມາເພື່ອເບນຮອງພື້ນຫລືອາຍແຊໂດເບິ່ງຮັບຮອງວ່າເມກອັບທີ່ດີຈະຊ່ວຍອັບໃຫ້ເຈົ້າງາມເບິ່ງດີຂຶ້ນເປັນກອງ
–ຢ່າແຕ້ມໄອໄລເນີທີ່ຂອບຕາລຸມຢ່າງດຽວ ຫາກສາວໆຄົນໃດເຄີຍແຕ້ມອາຍໄລເນີທີ່ຂອບຕາລຸມພຽງຢ່າງດຽວບອກເລີຍເຊົາເຮັດຊະເພາະການແຕ້ມອາຍໄລເນີລ໌ທີ່ຂອບຕາລຸມຢ່າງດຽວເຮັດໃຫ້ຕາຂອງເຈົ້າເບິ່ງນ້ອຍແລະເບິ່ງອ່ອນລ້າເອົາເປັນວ່າແຕ້ມອາຍໄລເນີລ໌ທີ່ຂອບຕາເທິງດ້ວຍຈະຊ່ວຍໃຫ້ເບິ່ງເກ໋ກວ່າ