ຂ່າວເພຈປະເທດລາວ: ຜູ້ຈັດການ ທະນາຄານການຄ້າລາວປະຈໍາແຂວງສະຫວັນນະເຂດຫາຍໂຕໄປແບບໄຮຮ່ອງຮອຍ ຂະນະທີ່ຂ້າມໄປຢາມພີ່ນ້ອງຢູ່ ແຂວງມຸກດາຫານ(ປະເທດໄທ) ເຊິ່ງການຫາຍໂຕໄປຄັ້ງນີ້ ເຈົ້າໜ້າທີ່ຕໍາຫລວດໄທພວມເລັ່ງສືບສວນສອບສວນຫາສາເຫດດ້ວຍວິທີແກະລາຍນີວມືຕາມລົດ, ເບິ່ງກ້ອງວົງຈອນປິດ, ດັກເບິ່ງເບີໂທລະສັບເວລາລົມກັນ ແລະ ອື່ນໆ ສ່ວນປະຊາຊົນຕັ້ງຂໍສັງເກດວ່າອາດອຸ້ມໄປຮຽກຄ່າໄຖ ຫລື ບໍ່?
ຕາມຂໍ້ມູນລະບຸວ່າ: ວັນທີ 27 ເມສາ ເວລາ 16.00 ກົມຕຳຫລວດ ເມືອງມຸກດາຫານ ແຂວງມຸກດາຫານ(ປະເທດໄທ) ໄດ້ຮັບແຈ້ງຄວາມຈາກ ນາງ ລ້ຽບ ເຈດຕະວົງ ອາຍຸ 67 ປີ ຄົນແຂວງສະຫວັນນະເຂດ ໃຫ້ຊ່ອຍຕິດຕາມຊອກຫາ ທ້າວ ອະທິວາ ເຈດຕະວົງ ອາຍຸ 47ປີ ເປັນລູກຊາຍ
ເຊິ່ງໄດ້ຂັບລົດເກັ່ງຢີ່ຫໍ້ ເກຍ ລຸ້ນ ອັອບຕິວາ ສີດຳ ປ້າຍ ກຂ 9121 ສະຫວັນນະເຂດ ຫາຍໂຕໄປໂດຍບໍ່ຮູ້ສາເຫດ
ໃນຕອນທ່ຽງ ວັນທີ 26 ເມສາ ປີ 2015 ຈົນຮອດຕອນເຊົ້າຂອງວັນທີ 27 ທາງທະນາຄານການຄ້າໄດ້ຕິດຕໍ່ ມາວ່າທ້າວ ອະທິວາ ບໍ່ໄດ້ເຂົ້າມາເຮັດວຽກ ເຊິ່ງທ້າວ ອະທິວາ ມີຕຳແຫນ່ງ ເປັນຜູ້ຈັດການ
ຫລັງຈາກ ນາງລ້ຽບ ໄດ້ໂທເຂົ້າເບີມືຖືລູກຊາຍກໍ່ບໍມີສັນຍານ ຈຶ່ງໄດ້ໂທຫາພີ່ນ້ອງຢູ່ ມຸກກາຫານ ວ່າໃນ ເວລາ 15:00 ຂອງວັນທີ 26 ເມສາ ໄດ້ພາກັນໄປກິນເຂົ້າຢູ່ຮ້ານອາຫານ ແລະ ໄປກິນຊີ້ນດາດຕໍ່ ເວລາຕໍ່ມາແລ້ວທ້າວ ອະທິວາ ກໍ່ໄດ້ໄປສົ່ງພີ່ນ້ອງຢູ່ບ້ານ ແລ້ວເດີນທາງກັບ ປະເທດລາວຄົນດຽວ ສ່ວນພີ່ນ້ອງກໍ່ຄິດວ່າທ້າວ ອະທິວາ ຮອດປະເທດລາວແລ້ວ
ຫລັງຈາກນັ້ນໃນເວລາ 17:00 ວັນທີ 27 ກໍ່ໄດ້ເຫັນ ລົດລົດເກັ່ງຢີ່ຫໍ້ ເກຍ ລຸ້ນອັອບຕິວາ ສີດຳ ປ້າຍ ກຂ 9121 ສະຫວັນນະເຂດ ຈອດປະໄວ້ຂ້າງທາງ ຢູ່ເມືອງມຸກດາຫານ ບ້ານ ດອນຕານ (ປະເທດໄທ) ກົງກັນຂ້າມຮ້ານອາຫານ ຕຳນານປ່າ ແຕ່ບໍ່ເຫັນເຈົ້າຂອງລົດ ເບື້ອງຕົ້ນສັນນິຖານວ່າ ມີການລັກພາໂຕ ຫລື ຖືກຊິງສັບ ເພາະເຈົ້າຂອງລົດໃສ່ສາຍຄໍ ແລະ ໃສ່ຄຳຫນັກລວມກັນປະມານ 10 ບາດ (ລາຍລະອຽດເປັນຈັງໃດຈະແຈ້ງໃຫ້ຊາບພາຍຫລັງ)
