ຜະລິດຕະພັນປ່ຽນສີຜົມໃນທ້ອງຕະຫລາດມີຫລາຍປະເພດໃຫ້ເລືອກໃຊ້ໂດຍສ່ວນມາຜະລິດຕະພັນຈະເປັນເຄມີເກືອບທັງໝົດໃນປະຈຸບັນຜະລິດຕະພັນປ່ຽນສີຜົມຫລືຢາຍ້ອມຜົມແບ່ງອອກເປັນ3ປະເພດຕາມຄວາມຄົງທົນຂອງສີຜົມທີ່ປ່ຽນໄດ້ແກ່ຢາຍ້ອມຜົມຊະນິດຊົ່ວຄາວ,ຊະນິດເຄິ່ງຖາວອນແລະຊະນິດຖາວອນ
- ປ່ຽນຜົມແບບຊົ່ວຄາວເປັນຢາຍ້ອມຜົມທີ່ບໍ່ສາມາດແຊກຜ່ານເຂົ້າໄປໃນເສັ້ນຜົມໄດ້ເພາະຖືກສ້າງຂຶ້ນມາໃຫ້ມີໂກເລກຸນໃຫຍ່ສາມາດລ້າງອອກໄດ້ໂດຍການສະຜົມ1-2ເທື່ອເນື່ອງຈາກເຄືອບເສັ້ນຜົມສ່ວນນອກ
- ປ່ຽນສີຜົມແບບເຄິ່ງຖາວອນຈະຕິດຢູ່ໄດ້ປະມານ3ອາທິດຫລືປະມານ1ເດືອນເພາະເປັນຢາຍ້ອມຜົມທີ່ສາມາດຜ່ານເຂົ້າໄປຈັບຕົວຢູ່ໃນຊັ້ນກາງຂອງເສັ້ນຜົມໄດ້
- ປ່ຽນສີຜົມແບບຖາວອນ ເປັນຢາຍ້ອມຜົມທີ່ຄົງທົນຖາວອນບໍ່ສາມາດລ້າງອອກໄດ້ດ້ວຍການສະຜົມ ສີຈະຕິດທົນແລະບໍ່ຊີດຈາງງ່າຍແບ່ງອອກເປັນຊະນິດເຄືອບເສັ້ນຜົມທີ່ເຄືອບສະເພາະເທິງຊັ້ນນອກຂອງເສັ້ນຜົມແລະແບບຊຶມຜ່ານເສັ້ນຜົມໄດ້ພາຍໃນກ່ອງປະກອບດ້ວຍນ້ຳຢາສີອອກຊິເດຊັ່ນແລະນ້ຳຢາໂກກ
ໃນການເລືອກຊື້ຜະລິດຕະພັນຍ້ອມຜົມໃນທ້ອງຕະຫລາດທີ່ມີໃຫ້ເລືອກຫລວງຫລາຍເພື່ອຄວາມປອດໄພຕໍ່ຕົນເອງນອກຈາກອ່ານວິທີໃຊ້ແບບລະອຽດແລ້ວສິ່ງທີ່ຕ້ອງຄຳນຶງເຖິງກໍຄືການທົດສອບການແພ້ເພາະອາດຈະເຮັດໃຫ້ເກີດການລະຄາຍເຄືອງຈົນເຖິງຂັ້ນຮຸນແຮງທັງນີ້ທັງນັ້ນກໍຂຶ້ນຢູ່ກັບສະພາບຜິວໜັງຂອງແຕ່ລະຄົນນຳແລະກ່ອນຊື້ຄວນສັງເກດເຄື່ອງໝາຍ ອຍ.ຈາກຄະນະກຳມະການອາຫານແລະຢາລວມໄປເຖິງແຫລ່ງຜະລິດຜູ້ຜະລິດແລະມາດຕະຖານການຄວບຄຸມທີ່ຜ່ານການກວດສອບຈາກຫນ່ວຍງານຂອງລັດແລະຫລີກລ້ຽງສານເຄມີຕ້ອງຫ້າມທີ່ບໍ່ຄວນມີໃນຜະລິດຕະພັນປ້ອງກັນການສະສົມທີ່ອາດຈະກໍ່ໃຫ້ເກີດພະຍາດມະເລັງຫລືອັນຕະລາຍອື່ນໆແລະເພື່ອໃຫ້ແນ່ໃຈວ່າຜະລິດຕະພັນນີ້ໄດ້ຮັບການກວດສອບ ແລະຮັບຮອງຄວາມປອດໄພຢ່າງຖືກຕ້ອງ
ວິທີທົດສອບກ່ອນຕັດສິນໃຈເຮັດສີຜົມ
-ເຮັດຄວາມສະອາດບໍລິເວນຫລັງໃບຫູແລະເຊັດໃຫ້ແຫ້ງ
-ບີບສີອອກຊິເດຊັ່ນແລະນ້ຳຢາໂກກອອກມາເລັກນ້ອຍນຳມາປະສົມກັນແລະໃຊ້ສຳລີພັນປາຍໄມ້ຈຸ່ມນ້ຳຢາ ທີ່ໄດ້ທາບໍລິເວນຫລັງໃບຫູປະໄວ້ 48 ຊົວໂມງໂດຍບໍ່ຕ້ອງລ້າງອອກ
-ຖ້າເກີດຮອຍແດງ,ຮອຍໄໝ້,ຄັນຫລືບວມໃນບໍລິເວນສີທີ່ທາຖິ້ມໄວ້
-ຫ້າມໃຊ້ນ້ຳຢາປ່ຽນສີຜົມ,ປ່ຽນສີຂົນຄິ້ວ,ຂົນຕາ ເພາະອາດເຮັດໃຫ້ຕາບອດໄດ້