ເຈົ້າໜ້າທີ່ພາສີຫວຽດນາມ ຍຶດງາຊ້າງ ແລະ ນໍແຮດ ຄາສະໜາມບິນສາກົນໂນຍບ່າຍ ມີມູນຄ່າລວມກັນຫລາຍລ້ານໂດລາ.
ສຳນັກຂ່າວຕ່າງປະເທດ ລາຍງານໃນວັນທີ 17 ເມສາຜ່ານມານີ້ວ່າ ເຈົ້າໜ້າທີ່ພາສີຫວຽດນາມ ສາມາດຍຶດຂອງກາງເປັນງາຊ້າງ 18 ງາ ແລະ ນໍແຮດ 3 ນໍ ເຊິ່ງເຊື່ອວ່າອາດຈະມາຈາກທະວີບອາຟຣິກາ ໂດຍຍຶດໄດ້ທີ່ສະໜາມບິນສາກົນໂນຍບ່າຍ ນະຄອນຫລວງຮ່າໂນ້ຍ ເຊິ່ງຂອງກາງດັ່ງກ່າວແມ່ນບັນທຸກມາກັບສາຍການບິນຫວຽດນາມແອຣ໌ລາຍ ທີ່ເດີນທາງມາຈາກປະເທດຝຣັ່ງ ໃນມື້ວັນທີ 16 ເມສາຜ່ານມາ ໂດຍຂອງກາງດັ່ງກ່າວນີ້ ແມ່ນມີມູນຄ່າລວມກັນຫລາຍລ້ານໂດລາສະຫະລັດ ໃນຕະຫລາດມືດທີ່ມີການຄ້າຂາຍກັນຢູ່ໃນຫວຽດນາມ.