ອົງ​ການ​ສະ​ຫະ​ປະ​ຊາ​ຊາດ ຫລື UN ແຕ່ງ​ຕັ້ງ ທ້າວ ແດ​ນຽວ ເຄ​ຣັກ ພະ​ເອກ​ເຈມບອນ ໃນ​ຮູບ​ເງົາເລື່ອງ 007 ເປັນ​ທູດ​ກຳ​ຈັດ​ລະ​ເບີດ ແລະ ວັດ​ຖຸ​ອັນ​ຕະ​ລາຍ​ຄົນ​ທຳ​ອິ​ດ​ຂອງ​ໂລກ.

ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ໃນ​ວັນ​ທີ 17 ເມ​ສາ​ຜ່ານ​ມາ​ນີ້​ວ່າ ທ່ານ ບັນ ກີ ມູນ ເລ​ຂາ​ທິ​ການ​ໃຫຍ່​ອົງ​ການ​ສະ​ຫະ​ປະ​ຊາ​ຊາດ ຫລື UN ໄດ້​ແຕ່ງ​ຕັ້ງ​ໃຫ້ ທ້າວ ແດ​ນຽວ ເຄ​ຣັກ ພະ​ເອກ​ຊາວ​ອັງ​ກິດ​ຜູ້​ຮັບ​ບົດ​ເປັນ​ສາຍ​ລັບ​ເຈມບອນ ໃນ​ເລື່ອງ 007 ເຮັດ​ໜ້າ​ທີ່​ເປັນ​ຜູ້​ສະ​ໜັບ​ສະ​ໜູນ​ການ​ກຳ​ຈັດ​ລະ​ເບີດ ແລະ ວັດ​ຖູ​ອັນ​ຕະ​ລາຍ​ຄົນ​ທຳ​ອິດ​ຂອງ​ໂລກ ໂດຍ​ຫວັງ​ທີ່​ຈະ​ໃຊ້​ບົດ​ບາດ​ໃນ​ຮູບ​ເງົາ​ສາຍ​ລັບ 007 ຂອງ​ເຂົາ​ເອງ ທີ່​ໂດ່ງ​ດັງ​ໄປ​ໃນ​ທົ່ວ​ໂລກ​ນັ້ນ ຊ່ວຍ​ກະ​ຕຸ້ນ​ໃຫ້​ຜູ້​ຄົນ​ເນັ້ນ​ໜັກ​ເຖິງ​ຄວາມ​ສຳ​ຄັນ​ຂອງ​ການ​ເກັບ​ກູ້ ແລະ ທຳ​ລາຍ​ລະ​ເບີດ​ທີ່​ບໍ່​ທັນ​ແຕກ.

ທັງ​ນີ້ ແດ​ນຽວ ເຄ​ຣັກ ຈະ​ປະ​ຕິ​ບັດ​ພາ​ລະ​ກິດ​ເປັນ​ເວ​ລາ 3 ປີ ໂດຍ​ມີ​ໜ້າ​ທີ່​ສົ່ງ​ເສີມ​ພາ​ລະ​ກິດ ໃນ​ການ​ກຳ​ຈັດ​ລະ​ເບີດໃຫ້​ແກ່​ອົງ​ການ​ສະ​ຫະ​ປະ​ຊາ​ຊາດ.