ພາຍຸພັດຖະຫລົ່ມທົ່ວບັງກະລາເທດ ມີຜູ້ເສຍຊີວິດຢ່າງໜ້ອຍ 24 ຄົນ ບ້ານເຮືອນເສຍຫາຍວົງກວ້າງ.
ສຳນັກຂ່າວຕ່າງປະເທດ ລາຍງານໃນວັນທີ 6 ເມສານີ້ວ່າ ເກີດເຫດພາຍຸພັດຖະຫລົ່ມທົ່ວປະເທດບັງກະລາເທດ ເປັນເຫດເຮັດໃຫ້ມີຜູ້ເສຍຊີວິດຢ່າງໜ້ອຍ 24 ຄົນ ແລະ ໄດ້ຮັບບາດເຈັບກ່ວາ 50 ຄົນ ໂດຍສະເພາະຢູ່ເຂດໂບກະຣາ ທາງພາກເໜືອຂອງປະເທດ, ລາຍງານຂ່າວໄດ້ລະບຸວ່າ ມີຜູ້ຍິງ ແລະ ເດັກນ້ອຍ ລວມຢູ່ໃນຈຳນວນຜູ້ເສຍຊີວິດ ພ້ອມນັ້ນ ເຮືອນຊານຂອງປະຊາຊົນ ກໍໄດ້ຮັບຜົນເສຍຫາຍໄປຫລາຍຫລັງຄາ ໂດຍບາງຫລັງຖືກຕົ້ນໄມ້ລົ້ມທັບ ໃນຂະນະທີ່ໄຟຟ້າໄດ້ຖືກຕັດກະແສຫລາຍຊົ່ວໂມງ.
