Homeຂ່າວພາຍ​ໃນຫ້າມສວຍໂອກາດຂຶ້ນລາຄາສິນຄ້າໃນປີໃໝ່ລາວ!

ຫ້າມສວຍໂອກາດຂຶ້ນລາຄາສິນຄ້າໃນປີໃໝ່ລາວ!

Published on

20150402094501

ເພື່ອ​ເຮັດ​ໃຫ້​ບຸນປີໃໝ່​ລາວ ​ພສ 2558 ໃຫ້​ມີຄວາມ​ເປັນ​ລະບຽບ​ຮຽບ​ຮ້ອຍ ທັງ​ເປັນ​ການ​ອະນຸ​ຮັກຮີດຄອງ​ປະເພນີ​ອັນ​ດີງາມ​ຂອງ​ຊາດ ຕິດ​ພັນ​ກັບ​ການຊົມໃຊ້​ສິນຄ້າ​ລາຄາ​ຍຸຕິ​ທຳ ບົນ​ພື້ນຖານ​ກົນ​ໄກ​ຕະຫຼາດ​ທີ່​ມີ​ການ​ຄຸ້ມ​ຄອງ​ຂອງ​ລັດ ຫຼີກເວັ້ນ​ການ​ເອົາ​ລັດເອົາ​ປຽບ​ລາຄາ​ລະຫວ່າງ​ຜູ້​ຂາຍ-ຜູ້​ຊື້ ແລະ ທັງ​ຮັບປະກັນ​ໃຫ້​ທົ່ວ​ສັງຄົມ​ມີ​ຄວາມ​ສະຫງົບ.

ທ່ານ ສົມ​ປະສົງ ສະຫງວນ​ວົງ ຮອງ​ຫົວໜ້າ​ພະ​ແນກ​ອຸດສາຫະກຳ ແລະ ການ​ຄ້າ ນະຄອນຫຼວງ​ວຽງ​ຈັນ (ນວ) ໄດ້​ໃຫ້​ສຳພາດ​ວ່າ: ພະ​ແນກ​ອຸດສາຫະກຳ ແລະ ການ​ຄ້າ ນວ ໄດ້​ມີ​ພາລະ​ບົດບາດ​ໃນ​ການ​ຄຸ້ມຄອງ​ສິນຄ້າ ແລະ ໄດ້​ຈັດ​ຕັ້ງ​ປະຕິບັດ​ມີ​ແຜນການລະອຽດ ເປັນຕົ້ນ​ແມ່ນ​ໄດ້​ອອກ​ແຈ້ງ​ການ​ສະບັບ​ເລກ​ທີ 625 ລົງ​ວັນ​ທີ 24 ມີນາ 2015 ຫ້າມ​ສວຍ​ໂອກາດ​ຂຶ້ນ​ລາຄາ​ສິນຄ້າ​ຕາມ​ລຳພັງ​ໃຈ ແລະ ໃຫ້​ຕິດລາຄາ​ສິນຄ້າ​ເປັນ​ເງິນ​ກີບ ໃຫ້​ໜ່ວຍ​ງານ​ກວດກາ ການ​ຄ້າຈຸ​ງານ​ກວດກາ​ການ​ຄ້າ​ປະຈຳ​ແຕ່​ລະ​ເມືອງ ​ເອົາໃຈໃສ່​ຕິດຕາມ​ກວດກາ​ລາຄາ​ສິນຄ້າ​ທີ່​ມີ​ຜົນ​ກະທົບ ​ຕໍ່​ຊີວິດ​ການ​ເປັນ​ຢູ່​ຂອງ​ປະຊາຊົນ ພະນັກງານ ທະຫານ-ຕຳຫຼວດ ໂດຍ​ສະເພາະ​ແມ່ນ​ສິນຄ້າ​ທີ່​ລັດ ຄຸ້ມ​ຄອງ​ລາຄາ​ບໍ່​ໃຫ້​ມີ​ປາກົດການ​ສິນຄ້າ​ຂາດ​ຕະຫຼາດ ການ​ສວຍໂອກາດ​ກັກ​ຕຸນ​ສິນຄ້າ​ເພື່ອ​ຂຶ້ນ​ລາຄາ​ຂອງ​ບຸກຄົນ ຫຼື ກຸ່ມ​ຄົນ​ບໍ່​ຫັວງ​ດີໃນ​ໄລຍະ​ປີ​ໃໝ່ ໃຫ້​ຜູ້​ປະກອບ​ການ​ທຸລະ​ກິດ​ຊາວ​ຄ້າຂາຍ​ນຳ​ສິນຄ້າ​ຂອງ​ຕົນ​ ອອກມາ​ຈຳໜ່າຍ​ເປັນ​ປົກກະຕິ​ຢູ່​ໃນທ້ອງ​ຕະຫຼາດ ຖ້າ​ມີ​ການ​ຫຼີ້ນ​ບຸນປີ​ໃໝ່​ ກໍ່​ໃຫ້​ມີ​ການ​ແບ່ງ​ໜ້າທີ່​ຜູ້ພັກ ຜູ້​ມາ​ຂາຍ ໃຫ້​ທຸລະ​ກິດ​ຈຳໜ່າຍ​ສິນຄ້າ​ປະເພດ​ເຂົ້າຊີ້ນ (ງົວ ຄວາຍ ໝູ) ປາ ເປັດ ໄກ່ ໄຂ່ ແລະ ອື່ນໆ ຕິດ​ລາຄາ​ສິນຄ້າ​ເປັນເງິນ​ກີບ ​ໃສ່​ບ່ອນ​ທີ່​ສາມາດ​ເຫັນໄດ້​ສະດວກ ມີ​ຄວາມ​ຊັດ​ເຈນ ແລະ ສິນຄ້າ​ປະເພດ​ຄວບ​ຄຸມ ຕ້ອງ​ຕິດ​ລາຄາ​ຕາມ​ແຈ້ງ​ການ​ທີ່ລັດ​ປະກາດ​ໃຊ້ ຄື: ຊີ້ນ ງົວ-ຄວາຍ ປະເພດ 1 ສູງ​ສຸດ​ບໍ່​ໃຫ້ເກີນ 75.000 ກີບ​ຕໍ່​ກິ​ໂລ ຊີ້ນ​ໝູ ປະເພດ 1 ສູງ​ສຸດ​ບໍ່​ໃຫ້​ເກີນ 38.500 ກີບ​ຕໍ່​ກິ​ໂລ ປາ​ນິນກະຊັງ​ ສູງ​ສຸດ​ບໍ່​ໃຫ້​ເກີນ 23.000 ກີບ​ຕໍ່​ກິ​ໂລ ໃນ​ເວລາ​ພະນັກງານລົງ​ກວດກາ​ຕົວ​ຈິງ ​ຫາກ​ພົບ​ເຫັນຫົວໜ່ວຍ​ທຸລະ​ກິດ​ໃດ​ລະເມີດ ໂດຍ​ເຈຕະນາ ແລະ ບໍ່​ເຈຕະນາ ຈະ​ໃຊ້​ມາດ​ຕະການ​ສຶກ​ສາ​ອົບຮົມ ປັບໄໝ ຫຼື ຢຶດ​ສິນຄ້າ​ຕາມ​ແຕ່​ກໍລະ​ນີ​ໜັກ ຫຼື ເບົາ ລົງ​ກວດກາຕິດຕາມ​ແຕ່​ລະ​ມື້ ນັບ​ຕັ້ງແຕ່​ວັນທີ 8-17 ເມສາ 2015.

 

ແຫລ່ງຂ່າວ: ວຽງຈັນໃໝ່

 

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...