spot_img
Homeຂ່າວພາຍ​ໃນຂໍ້ຫ້າມໃນການຫຼິນບຸນປີໃໝ່ລາວ 2558

ຂໍ້ຫ້າມໃນການຫຼິນບຸນປີໃໝ່ລາວ 2558

Published on

chao khong

ໃນວັນທີ 31 ມີນານີ້, ທ່ານ ສາຍທອງ ແກ້ວດວງດີ ຮອງເຈົ້າຄອງນະ ຄອນ ຫລວງວຽງຈັນ,ຫົວໜ້າຄະນະຮັບຜິດ ຊອບຈັດງານບຸນປີໃໝ່ລາວປີ 2015, ໄດ້ຖະ ແຫລງຂ່າວກ່ຽວກັບການຮັກສາຄວາມເປັນລະບຽບຮຽບຮ້ອຍໃນການຈັດງານບຸນ ປີໃໝ່ປະຈຳປີ 2015 ຂຶ້ນຢູ່ຫ້ອງວ່າການນະຄອນຫລວງວຽງຈັນ, ໂດຍມີບັນດາສື່ມວນ ຊົນເຂົ້າຮ່ວມຢ່າງ​ຫລວງຫລາຍ.

ທ່ານຮອງເຈົ້າຄອງໄດ້ຖະແຫລງວ່າ: ເພື່ອເປັນການປົກປັກຮັກສາ ແລະ ເສີມຂະ ຫຍາຍມູນເຊື້ອວັດທະນະທຳ, ຮີດ ຄອງປະເພນີອັນດີງາມຂອງຊາດລາວເຮົາທີ່ສືບທອດ ກັນມາແຕ່ບູຮານນະການ, ໂດຍສະເພາະງານບຸນປີໃໝ່ລາວໃຫ້ຢູ່ຄຽງຄູ່ກັບຄົນລາວ ຕະຫລອດໄປ;ຮັບປະກັນການສົ່ງເສີມ ແລະ ປົກປັກຮັກສາຮີດຄອງປະເພນີອັນດີງາມ, ຕິດພັນກັບການຜະລິດເປັນສິນຄ້າ, ການທ່ອງທ່ຽວວັດທະນະທຳ, ທຳມະຊາດ ແລະ ປະຫວັດສາດ; ຮັບປະກັນສະຖຽນລະພາບທາງດ້ານການເມືອງ, ຄວາມ ປັນລະບຽບຮຽບຮ້ອຍ ແລະ ຄວາມສະຫງົບປອດໄພຮອບດ້ານ, ທັງຮັບປະກັນໃຫ້ມີບັນຍາກາດເບີກ ບານມ່ວນຊື່ນ, ສະອາດ, ຈົບງາມເພື່ອຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະເທດທີ່ຈະເຂົ້າມາທ່ອງທ່ຽວນະຄອນຫລວງວຽງຈັນ.

ຄຽງຄູ່ກັນນີ້ ກໍ​ຮຽກຮ້ອງໃຫ້ແມ່ຍິງ, ໂດຍສະເພາະໄວໜຸ່ມທີ່ມັກນຸ່ງສົ້ງຂາສັ້ນ, ເສື້ອຜ້າບາງໆ, ຄວນນຸ່ງຖື​ໃຫ້​ເໜມາະສົມ, ​ໂດ​ຍສະ​ເພາະການນຸ່ງຖືເຂົ້າໄປໃນວັດວາອາຣາມ ແລະ ສະຖານທີ່ສັກສິດຕ່າງໆ ຄວນນຸ່ງສິ້ນຕາມຮີດຄອງປະເພນີ ທີ່ເຄີຍປະ ຕິບັດມາແຕ່ບູຮານ.

ນອກຈາກນີ້ ທ່ານເຈົ້າຄອງຍັງໄດ້ອອກຂໍ້ຫ້າມຂອງການຫລີ້ນບຸນ ປີໃໝ່ປີ 2015 ດັ່ງນີ້: ຫ້າມດື່ມສິ່ງມືນເມົາແລ້ວຂັບ ຂີ່ລົດ, ຫ້າມຂາຍສິນຄ້າ ແລະ ອຸປະກອນທີ່ກໍໃຫ້ເກີດສຽງແຕກທຸກປະເພດ, ບໍ່ໃຫ້ຈຸດໝາກກະໂພກ, ບັ້ງໄຟດອກທຸກຊະ ນິດ, ບໍ່ໃຫ້ ເອົານ້ຳກ້ອນແກວ່ງໃສ່ລົດ, ໃສ່ຄົນສັນຈອນໄປມາ, ບໍ່ໃຫ້ໃຊ້ນ້ຳສີ, ນ້ຳຄັນຄາຍ ແລະ ນ້ຳເປີະເປື້ອນຫົດສົງເຊິ່ງກັນ ແລະ ກັນ ແລະ ບໍ່ໃຫ້ນຸ່ງເຄື່ອງໂປ້ເປືອຍ, ຍົ້ວຍວນ ແລະ ການກະທຳລາມົກອະນາຈານໃນເຂດວັດ ແລະ ສະຖານທີ່ຊຸມຊົນອື່ນໆ ຫາກມີການລະເມີດຈະໄດ້ໃຫ້ເຈົ້າໜ້າທີ່ດຳເນີນຕາມລະບຽບຢ່າງເຂັ້ມງວດ ແລະ ພິເສດໃນປີນີ້ ຈະມີການປະກວດນາງສາວນະຄອນຫລວງ, ກິດຈະກຳປະຕິມະກຳຊາຍທີ່ຫາດດອນຈັນ, ເມືອງຈັນທະບູລີ, ໂດຍມີຫລາຍປະເທດເຂົ້າຮ່ວມ, ການແຂ່ງຂັນກິລາຫາດຊາຍ, ການຕົບພະທາດຊາຍ ແລະ ການຄົບງັນມ່ວນຊື່ນ ຕ່າງໆຕາມຮີດຄອງປະເພນີ.

ຖ້າເຫັນວ່າຂ່າວນີ້ມີປະໂຫຍດ ຢ່າລືມສົ່ງຕໍ່ໃຫ້ຄົນອື່ນຮູ້ແດ່ເດີ ເພື່ອຊ່ວຍກັນສ້າງສັນສັງຄົມ ແລະຮັກສາຮີດຄອງປະເພນີ

decorating-buddha

ຂ່າວ: ລາວພັດທະນາ

ບົດຄວາມຫຼ້າສຸດ

ປະຊາຊົນຊາວມາເລເຊຍຮວມຕົວກັນຫຼາຍພັນຄົນ ເພື່ອຮຽກຮ້ອງຄວາມຍຸຕິທຳ ໃຫ້ຊາຣາ ທີ່ເສຍຊີວິດຢ່າງປິສະໜາ

#JusticeForZara ແຮັດແທັກ (hastag) ເຕັມສື່ສັງຄົມອອນລາຍໃນປະເທດມາເລເຊຍ ເພື່ອຮຽກຮ້ອງຄວາມຍຸຕິທຳໃຫ້ ຊາຣາ ເດັກຍິງອາຍຸ 13 ປີ ເສຍຊີວິດປິດສະໜາ, ທ່າມກາງຂ່າວລືວ່າ ຊາຣາ ເປັນເຫຍື່ອຈາກການຖືກບູລີ້ ແລະ...

ເສຍຊີວິດເວທີດຽວກັນ! ຂ່າວເສົ້າວົງການມວຍຍີ່ປຸ່ນ ເມື່ອ 2 ນັກຊົກຈາກແດນປາດິບເສຍຊີວິດຫຼັງຂຶ້ນຊົກມວຍ ໝໍເຜີຍເລືອດອອກໃນເຫຍື້ອຫຸ້ມສະໝອງ.

ວົງການມວຍຍີ່ປຸ່ນເສົ້າ! 2 ນັກຊົກມວຍເສຍຊີວິດເວທີດຽວກັນ ຫຼັງໄດ້ຮັບອາການບາດເຈັບ ໝໍເຜີຍເລືອດອອກໃນເຫຍື້ອຫຸ້ມສະໝອງ. ສຳນັກຂ່າວຕ່າງປະເທດລາຍງານເຫດການສຸດສະຫຼົດ ຂອງວົງການມວຍຍີ່ປຸ່ນ ໄດ້ເກີດເຫດການສຸດຊ໋ອກ ຫຼັງຈາກຊິເງໂຕຊິ ນັກຊົກອາຍຸ 28 ປີ ເສຍຊີວິດ ເມື່ອວັນສຸກ 8...

ສ ເກົາຫຼີ ມອບທຶນຈຳນວນ 6 ລ້ານໂດລາ ເພື່ອຂະຫຍາຍ ແລະ ປັບປຸງລະບົບນໍ້າປະປາ ກຳນົດຈັດຕັ້ງປະຕິບັດ 2025-2029

ລັດຖະບານ ສ ເກົາຫຼີສະໜອງທຶນຊ່ວຍເຫຼືອລ້າໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວ ເມືອງຄຳເກີດ ພິທີເຊັນບົດບັນທຶກການຮ່ວມມືໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວເມືອງຄຳເກີດ ແຂວງບໍລິຄຳໄຊ ລະຫວ່າງ ກະຊວງໂຍທາທິການ ແລະ ຂົນສົ່ງ (ຍທຂ)...

ຍທຂ ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ

ຍທຂ ປະກາດການຈັດຕັ້ງ ພະນັກງານການນຳຂັ້ນສູງ. ເມື່ອບໍ່ດົນມານີ້, ກະຊວງໂຍທາທິການ ແລະ ຂົນສົ່ງ (ຍທຂ) ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ ແລະ ຍົກຍ້າຍ...