ສຳນັກຂ່າວ ເດລິເມວ ລາຍງານເມື່ອວັນທີ 30 ມີນາ ທີ່ຜ່ານມາວ່າ ໄດ້ເກີດເຫດອຶກກະທຶກຂຶ້ນກັບ ເຮືອບິນໂດຍສານ ສາຍການບິນໂອຣຽນໄທ ແອເວ ທ່ຽວບິນຈາກໄທໄປຍັງຈີນ ເມື່ອເຄື່ອງຈັກຂັດຂ້ອງ ເຮັດໃຫ້ຜູ້ໂດຍສານຈຳວນຫຼາຍສິບຄົນ ໜ້າມືດຕາລາຍແລະມີເລືອດອອກ ຍ້ອນພາວະຫູອື້ແລະຂາດອົກຊີ ຂະນະທີ່ນັກບິນຕ້ອງເອົາເຮືອບິນ ລົງຈອດສຸກເສີນທີ່ສະໜາມບິນ ໃນເມືອງຄຸນໝິງ.
ລາຍງານຂ່າວລະບຸວ່າ ເຮືອບິນລຳດັ່ງກ່າວນີ້ເປັນທ່ຽວບິນ ຈາກຈັງຫວັດພູເກັດຂອງໄທ ໄປເມືອງເສີງຕູຂອງຈີນ ທ່ຽວບິນ OX682 ໄດ້ບັນທຸກຜູ້ໂດຍສານຊາວຈີນ ຫຼາຍສິບຄົນທີ່ເດິນທາງມາພັກຜ່ອນ ໃນຈັງຫວັດພູເກັດປະເທດໄທ ແລະເດິນທາງກັບໄປຍັງເມືອງເສີງຕູ ຂອງຈີນ ໃນວັນເສົາທີ 28 ມີນາ ທີ່ຜ່ານມາ.
ໂດຍເຫດອຶກກະທຶກໄດ້ເກີດຂຶ້ນ ຫຼັງຈາກທ່ຽວບິນເຂົ້າສູ່ນ່ານຟ້າ ຂອງປະເທດຈີນແລ້ວ ໂດຍເຄື່ອງຈັກໄດ້ເກີດບັນຫາຂັດຂ້ອງ ບໍ່ເຮັດວຽກແລະໄດ້ເຮັດໃຫ້ ເຮືອບິນ ຫຼຸດລະດັບລົງຢ່າງໄວຫຼາຍພັນຟຸດ ເຮັດໃຫ້ຜູ້ໂດຍສານຈຳນວນຫຼາຍຕ້ອງ ໄດ້ຮັບຄວາມຊ່ວຍເຫຼືອ ຂະນະທີ່ໜ້າກາກອົກຊີເທິງເພດານ ຈົນເຖິງຂັ້ນຕົກລົງມາ ໃນສະພາບທີ່ສຸດສົນລະວົນ ໂດຍຜູ້ໂດຍສານຕ່າງກໍພາກັນຮ້ອງ ແລະໄຫ້ ຢ້ານວ່າເຮືອບິນຈະລະເບີດແຕກກາງອາກາດ ລວມທັງສາວພະນັກງານເທິງເຮືອບິນ ກໍຮ້ອງໄຫ້ເຊັ່ນດຽວກັນ.
ໃນຂະນະທີ່ຈຸບິນໄດ້ຕັດສິນໃຈ ຍົກເລີກການບໍລິການທ່ຽວບິນນີ້ ໂດຍໄດ້ແວະພັກທັນທີທີ່ລົງເຖິງ ສະໜາມບິນເມືອງຄຸນໝິງ ແລະມີການຍ້າຍຜູ້ໂດຍສານທີ່ບໍ່ມີອາການໜັກ ໄປຍັງທ່ຽວບິນຂອງເຄື່ອງບິນອື່ນ ເພື່ອມຸ່ງໜ້າໄປຍັງເມືອງເສີງຕູ. ສ່ວນຜູ້ມີການໜັກແພດຍັງບໍ່ອະນຸຍາດ ໃຫ້ເດິນທາງຕໍ່ໄດ້.