ຈີນເປີດຮັບດານມາກ ເຊິ່ງເປັນຊາດຕາເວັນຕົກລ່າສຸດ ເຂົ້າເປັນສະມາຊິກ AIIB ທ່າມກາງຄວາມບໍ່ພໍໃຈຂອງສະຫະລັດອາເມຣິກາ.

ສຳນັກຂ່າວຕ່າງປະເທດ ລາຍງານໃນວັນທີ 29 ມີນາຜ່ານມານີ້ວ່າ ລັດຖະມົນຕີກະຊວງການເງິນຂອງຈີນ ປະກາດວ່າ ດານມາກ ຕົກລົງເຂົ້າເປັນສະມາຊິກກໍ່ຕັ້ງ ທະນາຄານເພື່ອການລົງທຶນໃນໂຄງສ້າງພື້ນຖານແຫ່ງອາຊີ ຫລື AIIB ທີ່ນຳໂດຍ ສປ ຈີນ ເປັນຜູ້ຈັດຕັ້ງຂຶ້ນ ເຊິ່ງນັບເປັນຊາດຕາເວັນຕົດລ່າສຸດ ທີ່ເຂົ້າຮ່ວມເປັນສະມາຊິກ ສະຖາບັນການເງິນແຫ່ງໃໝ່ຂອງອາຊີ ທ່າມກາງຄວາມບໍ່ພໍໃຈຂອງສະຫະລັດອາເມຣິກາ.  ທັງນີ້ ດານມາກຈະໄດ້ຮັບການອະນຸມັດ ໃຫ້ມີສະຖານະເປັນສະມາຊິກກໍ່ຕັ້ງ AIIB ຢ່າງເປັນທາງການ ໃນວັນທີ 12 ເມສາ 2015 ເຊິ່ງກ່ອນໜ້ານີ້ ກໍມີປະເທດຣັດເຊຍ, ອົດສະຕາລີ, ໂຮນລັງ ກໍໄດ້ຕັດສິນໃຈເຂົ້າເປັນສະມາຊິກກໍ່ຕັ້ງ AIIB ແລ້ວ ໃນມື້ວັນເສົາທີ 28 ມີນາຜ່ານມາ ໂດຍກຳນົດການເປີດຮັບສະມາຊິກກໍ່ຕັ້ງ AIIB ຂອງ ສປ ຈີນ ຈະມີໄປຈົນເຖິງວັນທີ 31 ມີນານີ້.