ເຄື່ອງສຳອາງສາລະພັດຊະນິດອາດເຮັດໃຫ້ຜິວຂອງເຮົາຕ້ອງເຈີກັບສານເຄມີຫລວງຫລາຍຫລາຍຊະນິດ ມື້ນີ້ເຮົາເລີຍບໍ່ພາດທີ່ຈະຊວນສາວໆມາຮ່ວມອວດຜິວງາມໂດຍປອດເຄື່ອງສຳອາງກັນ
- ຮູ້ຈັກຜິວ ທຳມະຊາດຜິວຂອງຄົນເຮົາເປັນພຽງເຍື່ອບຸຜິວທີ່ແມ່ນຫຍັງຕໍ່ແມ່ນຫຍັງສາມາດຊຶມຜ່ານໄດ້ ອີກທັງສິ່ງແປກປອມຕ່າງໆທີ່ທາລົງເທິງຜິວກໍຈະຊຶມເຂົ້າສູ່ຕົວເຮົາໄດ້ຫລາຍເຖິງ 60%
- ຫາຂໍ້ມູນຫລາຍໆ ເຄື່ອງສຳອາງແລະຜະລິດຕະພັນບຳລຸງຜິວທີ່ມີຢູ່ໃນທ້ອງຕະຫລາດບໍ່ໄດ້ຈະມີການທົດສອບໃນຫ້ອງແລັບໄປທຸກອັນດັ່ງນັ້ນກ່ອນຊື້ກໍລອງຈົດສ່ວນປະສົມແລ້ວໄປຄົ້ນຂໍ້ມູນເບິ່ງກ່ອນວ່າຜົນດີີແລະຜົນເສຍຄຸ້ມກັນຫລືບໍ່
- ຜະເຊີນໜ້າກັບຄວາມຈິງ ຕ້ອງຍອມຮັບວ່າບໍ່ມີຄີມລາຄາແພງຫລືເຄື່ອງສຳອາງຊະນິດໃດທີ່ຈະປ່ຽນເຈົ້າໃຫ້ເປັນຄົນໃໝ່ໄດ້ໃນພິບຕາເນື່ອງຈາກຜິວ,ຜົມ,ດວງຕາແລະອີກຫລາຍອະໄວຍະວະໃນຮ່າງກາຍຖືກກຳນົດໂດຍພັນທຸກຳເຄື່ອງສຳອາງປ່ຽນເຈົ້າໄດ້ຊົ່ວຄາວເທົ່ານັ້ນນອກຈາກນີ້ກໍຍັງຕ້ອງເຈີກັບມົນລະພາວະຮອບຕົວຄືແສງແດດລວມເຖິງອາຍຸທີ່ຫລາຍຂຶ້ນແລະການໃຊ້ຊີວິດທີ່ລ້ວນແຕ່ສົ່ງຜົນຕໍ່ສະພາບຮ່າງກາຍນຳ