ສາວໂພສຕ໌ເຟສບຸກ ປະກາດຮັບຊາຍເຮັດໃຫ້ນາງມີລູກ ແລກກັບຄ່າຈ້າງ 4,250,000 ກີບ ເພາະຢາກມີລູກ ແຕ່ບໍ່ຢາກມີຜົວ.
ສຳນັກຂ່າວຕ່າງປະເທດ ລາຍງານໃນວັນທີ 22 ມີນາຜ່ານມານີ້ວ່າ ຍິງສາວຄົນໜຶ່ງຢູ່ປະເທດໂຣມານີ ຊື່ນາງ ອະເດລິນາ ອັນບູ ໄດ້ໂພສຕ໌ພາບຖ່າຍຂອງຕົນເອງລົງໃນເຟສບຸກ ເພື່ອຂໍຈ້າງຊາຍໜຸ່ມມາເຮັດໃຫ້ນາງມີລູກ ແລກກັບຄ່າຈ້າງ 350 ປອນ (ປະມານ 4,250,000 ກີບ) ພ້ອມກັບການມີຄວາມສຸກເທິງຕຽງກັບນາງ.
ທັງນີ້ ໃຜກໍຕາມທີ່ສົນໃຈຮັບຂໍ້ສະເໜີດັງກ່າວ ກໍຕ້ອງໄດ້ຜ່ານການທົດສອບ ແລະ ຕ້ອງມອບສິດໃນການລ້ຽງດູລູກໃຫ້ແກ່ນາງ ເນື່ອງຈາກນາງເບິ່ງວ່າ ຜູ້ຊາຍເປັນຄົນທີ່ມັກຄິດເຖິງເລື່ອງຂອງຕົນເອງ ແລະ ນາງເອງເປັນຄົນທີ່ຕ້ອງການມີລູກ ແລະ ຮັກອິດສະຫລະ ໂດຍບໍ່ຕ້ອງການມີແຟນ ຫລື ສາມີແຕ່ຢ່າງໃດ.
ພາຍຫລັງການໂພສຕ໌ດັ່ງກ່າວ ຖືກເຜີຍແຜ່ຜ່ານທາງເຟສບຸກ ກໍມີຜູ້ຊາຍຕ່າງກໍພາກັນຍື່ນຂໍ້ສະເໜີມາ ພ້ອມທັງຍ້ອງວ່ານາງເປັນຄົນທີ່ເຂັ້ມແຂງຫລາຍ ທີ່ຈະເບິ່ງແຍງລູກດ້ວຍຕົນເອງໄດ້, ແນວໃດກໍຕາມ ນາງຍັງບໍ່ທັນຕອບຕົກລົງຂໍ້ສະເໜີດັ່ງກ່າວກັບໃຜແຕ່ຢ່າງໃດ ໂດຍໃນຂະນະດຽວກັນນັ້ນ ກໍມີຜູ້ໃຊ້ເຟສບຸກບາງຄົນກໍໄດ້ເຕືອນວ່າ ລະວັງຕິດເຊື້ອ HIV ຈາກນາງດ້ວຍ.