ໂປໄບໂອຕິກ”(Probiotics)ອາດເປັນຄຳທີ່ຟັງເບິ່ງໃໝ່ແລະບໍ່ຄຸ້ນຫູແຕ່ເຊື່ອວ່າຫລາຍຄົນອາດໄດ້ຍິນກັນມາແດ່ແລ້ວຖ້າກ່າວໃຫ້ເຂົ້າໃຈງ່າຍໆໂປໄບໂອຕິກກໍຄືຈຸລິນຊີສຸຂະພາບຊຶ່ງຈັດເປັນເຊື້ອແບກທີເຣຍທີ່ເປັນມິດກັບຮ່າງກາຍແລະເປັນແບກທີເຣຍຊະນິດດຽວກັບແບກທີເຣຍໃນນ້ຳນົມແມ່ນອກຈາກນີ້ຍັງສາມາດພົບໄດ້ຕາມສ່ວນຕ່າງໆຂອງຮ່າງກາຍໂດຍສະເພາະບໍລິເວນໃນຊ່ອງຄອດແລະສຳໄສ້ໃຫຍ່ຈະພົບຫລາຍເປັນພິເສດດັ່ງທີ່ຮູ້ກັນແລ້ວວ່າໃນນ້ຳນົມແມ່ມີປະໂຫຍດຫລາກຫລາຍໜຶ່ງໃນນັ້ນກໍຄືຖ້າເຮົາລ້ຽງລູກດ້ວຍນົມແມ່ກໍຈະບໍ່ຕ້ອງກັງວົນກັບເລື່ອງການສ້າງພູມຄຸ້ມກັນເພາະເດັກນ້ອຍຈະໄດ້ຮັບໂປໄບໂອຕິກທາງປາກແລະດັງເຂົ້າສູ່ລຳໄສ້ໃຫຍ່ຂອງເດັກນ້ອຍເອງຈຸລິນຊີເຫລົ່ານີ້ຈະເລີ່ມເພີ່ມຈຳນວນຂຶ້ນເປັນທະວີຄູນທັນທີໃນກະເພາະອາຫານແລະລຳໄສ້ຂອງເດັກນ້ອຍເພື່ອເສີມສ້າງພູມຄຸ້ມກັນ
ສາດສະດາຈານຊາວສະວີເດນຄົ້ນພົບວ່າໂປໄບໂອຕິກນັ້ນສາມາດຊ່ວຍຫລຸດຈຳນວນການຕິດເຊື້ອໃນສູນຮັບລ້ຽງເດັກເກີດໃໝ່ໄດ້ໂດຍໄດ້ມີການວິໄຈກັບເດັກນ້ອຍ200ຄົນແລະພົບວ່າການໃຫ້ໂປໄບໂອຕິກກັບເດັກເດັກນ້ອຍທຸກມື້ນັ້ນມີຜົນເຮັດໃຫ້ເດັກນ້ອຍເຫລົ່ານັ້ນເປັນໄຂ້ແລະເປັນພະຍາດຖອກທ້ອງໜ້ອຍລົງບົດບາດຂອງໂປໄບໂອຕິກນັ້ນຈະຊ່ວຍໃນການປ້ອງກັນພະຍາດແລະສ້າງພູມຄຸ້ມກັນໂດຍຈະຊ່ວຍຂ້າເຊື້ອແບກທີເຣຍທີ່ກໍ່ພະຍາດທີ່ຕິດໄປກັບອາຫານເມື່ອຮັບປະທານເຂົ້າໄປເຮັດຫນ້າທີ່ຄືກັບທະຫານເຝົ້າປະຕູເມືອງປ້ອງກັນບໍ່ໃຫ້ເຊື້ອພະຍາດທະລຸຜ່ານເຍື່ອຫຸ້ມລຳໄສ້ເຂົ້າສູ່ຮ່າງກາຍນອກຈາກນີ້ຍັງຊ່ວຍປ້ອງກັນອາການທີ່ຮ່າງກາຍບໍ່ສາມາດຍ່ອຍນ້ຳຕານແລກໂຕດຊຶ່ງມາຈາກອາຫານປະເພດນົມໄດ້ແລະເພີ່ມຄວາມສາມາດໃນການດູດຊຶມແຮ່ທາດທີ່ມີປະໂຫຍດຕໍ່ຮ່າງກາຍລວມເຖິງວິຕາມິນບີແລະກະຕຸ້ນພູມຄຸ້ມກັນທີ່ຍັງບໍ່ສົມບູນຂອງເດັກນ້ອຍນໍາອີກສະຫລຸບວ່າຖ້າເດັກນ້ອຍເກີດໂດຍວິທີທຳມະຊາດແລະການລ້ຽງດູດ້ວຍນົມແມ່ກໍຄືການສ້າງພູມຄຸ້ມກັນທີ່ດີທີ່ສຸດສຳລັບເດັກນ້ອຍຢ່າງໃດກໍຕາມຖ້າແມ່ບໍ່ສາມາດໃຫ້ກຳເນີດເດັກນ້ອຍໄດ້ໂດຍວິທີທຳມະຊາດໂປໄບໂອຕິກກໍເປັນອີກທາງເລືອກໜຶ່ງຫລືຖືເປັນອາຫານເສີມທີ່ຈະຊ່ວຍເສີມສ້າງພູມຄຸ້ມກັນທາງທຳມະຊາດສຳລັບເດັກນ້ອຍແມ່ຄວນຈະສຶກສາແລະຫາຂໍ້ມູນກ່ຽວກັບເລື່ອງຄຸນຄ່າໂພສະນາການແລະອາຫານເສີມທີ່ມີສ່ວນປະສົມຂອງໂປໄບໂອຕິກເພື່ອທີ່ຈະສ້າງສຸຂະພາບທີ່ດີໃຫ້ກັບເດັກນ້ອຍຕໍ່ໄປ.