1.ຊົງຜົມທີ່ເບິ່ງຊັບຊ້ອນ ຊົງຜົມອາລັງການທີ່ເບິ່ງຊັບຊ້ອນອາດຈະເໝາະເວລາເຮັດໄປງານຫລືຖ່າຍຮູບໃນສະຕູດິໂອເທົ່ານັ້ນແຕ່ນອກເໜືອຈາກນີ້ກໍຢ່າເຮັດດີກວ່າເພາະຜູ້ຊາຍມັກຊົງຜົມທີ່ເບິ່ງທຳມະຊາດ ແບບບໍ່ໄດ້ແຕ່ງດ້ວຍເຈວຫລືສະເປຍຫລາຍກວ່າ
2.ຮອງພື້ນໜາ ຮອງພື້ນທີ່ຊ່ວຍປົກປິດຮິ້ວຮອຍ,ຮອຍສິວຫລືຈຸດບົກຜ່ອງເທິງໃບໜ້າຊຶ່ງຈະຊ່ວຍເນລະມິດໃຫ້ໃບໜ້າຂອງເຈົ້າເບິ່ງນຽນລຽບແລະສຸກຂະພາບດີຫລາຍຍິ່ງຂຶ້ນຖ້າໃຊ້ຢ່າງຖືກວິທີແຕ່ຖ້າລົງຮອງພື້ນໜາເກີນໄປຈົນເບິ່ງອອກເຫັນແຈ້ງໆບອກເລີຍວ່າຜູ້ຊາຍທັງຫລາຍຂໍປິ່ນໜ້າໜີແນ່ນອນ
3.ອາຍແຊໂດເຫລື້ອມ ຖ້າຝີມືການແຕ່ງໜ້າບໍ່ເກັ່ງແທ້ຢ່າເລີຍຢ່າໃຊ້ອາຍແຊໂດໃຫຍ່ໆວິ້ງວັບໆຍິ່ງຕອນໄປເດດນີ້ຢ່າຄິດຈະທາໄປເລີຍເພາະຜູ້ຊາຍບໍ່ມັກທາງທີ່ດີປ່ຽນມາໃຊ້ເນື້ອທຳມະດາຈະເບິ່ງເປັນທຳມະຊາດກວ່າ
4.ມາດຄາລ່າທີ່ຂົນຕາເປັນກ້ອນ ສິ່ງນີ້ຈະເກີດຂຶ້ນໄດ້ກໍຕໍ່ເມື່ອເຈົ້າປັດມາດຄາລ່າຫລາຍເກີນໄປນັ້ນເອງ ຊຶ່ງມັນຈະເຮັດໃຫ້ດວງຕາທີ່ຄວນຈະເຊັກຊີ່ກັບເບິ່ງບໍ່ໜ້າເບິ່ງໄປເລີຍສະນັ້ນຄວນລົງທຸນໃຊ້ມາດຄາລ່າຄຸນນະພາບດີແລະບໍ່ປັດຫລາຍເກີນໄປບໍ່ດັ່ງນັ້ນຈະເບິ່ງເປັນກ້ອນໄດ້
- ຂົນຫລາຍ ເຖິງວ່າສາວໆບາງຄົນຈະເບິ່ງວ່າການຈົ່ງຂົນເຮັດໃຫ້ເບິ່ງເຊັກຊີ່ແຕ່ໜຸ່ມໆກໍມັກສາວຜິວນຽນໆຫລາຍກວ່າສະນັ້ນຄວນເຊັກເບິ່ງເລື້ອຍໆວ່າມີຂົນຂາຫລືຂົນຂີ້ແຮ້ຂຶ້ນມາແລ້ວຫລືຍັງຈະໄດ້ກຳຈັດໃຫ້ທັນກ່ອນຈະອອກໄປພົບປະກັບໜຸ່ມໆ
6.ຜິວແຫ້ງ ໃຜຈະຢາກສຳຜັດຜິວແຫ້ງໆໂດຍສະເພາະແຂນສອກແລະສົ້ນຕີນຖ້າປ່ອຍໃຫ້ແຫ້ງບໍ່ເບິ່ງແຍງບຳລຸງເລີຍຍິ່ງໜ້າຢ້ານເຂົ້າໄປໃຫຍ່ສະນັ້ນໝັ່ນບຳລຸງຜິວດ້ວຍມອຍເຈີໄລເຊີດີໆຫລັງອາບນ້ຳ
7.ປາກເໝັນແລະແຂ້ວເຫລືອງ ຄົງບໍ່ມີຜູ້ຊາຍຄົນໃດຢາກເຈີຜູ້ຍິງມີກິ່ນປາກແລະແຂ້ວເຫລືອງຖ້າຫາກສາວໆກຳລັງເຈີບັນຫານີ້ຢູ່ກໍລອງຄິດເບິ່ງສິວ່າເຈົ້າສູບຢາດື່ມກາແຟຫລືຊາດຳຫລາຍເກີນໄປຫລືບໍ່ແລ້ວອາດຈະລອງຊື້ຢາສີແຂ້ວທີ່ເຮັດໃຫ້ແຂ້ວຂາວພ້ອມລົມຫາຍໃຈສົດຊື່ນມາໃຊ້ຫລືສຸດທ້າຍຖ້າບໍ່ໄຫວແທ້ໆກໍໄປພົບແພດດ່ວນໆ
- ສີດນ້ຳຫອມກິ່ນແຮງເກີນໄປ ບໍ່ຕ້ອງຢ້ານວ່າເດດນີ້ໜຸ່ມໆຈະບໍ່ໄດ້ກິ່ນນ້ຳຫອມຂອງເຈົ້າເພາະພຽງສີດເບົາໆໃຫ້ເຂົາໄດ້ກິ່ນບາງ ນັ້ນແຫລະເບິ່ງມີສະເໜ່ກວ່າການສີດນ້ຳຫອມຫລາຍຈົນສຸນ
9.ເຮັດງາມໃນທີ່ສາທາລະນະ ຮູ້ໄວ້ວ່າຜູ້ຊາຍບໍ່ຢາກຈະເຫັນວ່າເຈົ້າແຕ່ງງາມເພື່ອເພີ່ມສະເໜ໋ໃຫ້ກັບຕົວເອງແນວໃດຊຶ່ງການແຕ່ງໜ້ານອກເຮືອນຕໍ່ໜ້າສາທາລະນະຊົນເປັນເລື່ອງທີ່ຜູ້ຊາຍບໍ່ມັກສຸດເອົາເປັນວ່າແຕ່ງໃຫ້ງາມເປ໊ະມາຈາກເຮືອນເລີຍດີກວ່າ