1.ຜູ້ຍິງຜິວແຫ້ງຄວນເລືອກໃຊ້ຜະລິດຕະພັນເບິ່ງແຍງຜິວທີ່ມີຄວາມເຂັ້ມຂຸ້ນປະເພດເນື້ອຄີມເພາະຈະຊ່ວຍລຸດການສູນເສຍນ້ຳແລະເພີ່ມຄວາມຊຸ່ມຊື້ນໃຫ້ຜິວໄດ້ດົນກວ່າຄວນຫລີກລ້ຽງຜະລິດຕະພັນເບິ່ງແຍງຜິວທີ່ມີສ່ວນປະສົມຂອງແອນກໍຮອລ໌ແລະໃຊ້ຜະລິດຕະພັນທີ່ຊ່ວຍເບິ່ງແຍງເລື່ອງຮິ້ວຮອຍເສີມ
2.ຜູ້ຍິງຜິວທຳມະດາ ຄວນເລືອກຜະລິດຕະພັນເບິ່ງແຍງຜິວໂດຍຄຳນຶງເຖິງສະພາບອາກາດເຊັ່ນໃນຊ່ວງອາກາດປົກກະຕິຄວນເລືອກຜະລິດຕະພັນປະເພດເນື້ອໂລຊັນເພາະບໍ່ໜຽວແລະບໍ່ກໍ່ໃຫ້ເກີດບັນຫາຜິວອຸດຕັນແຕ່ຫາກຕ້ອງຜະເຊີນກັບອາກາດທີ່ໜາວເຢັນຫລືຢູ່ໃນຫ້ອງປັບອາກາດຄວນເລືອກໃຊ້ປະເພດເນື້ອຄີມ
3.ຜູ້ຍິງຜິວປະສົມ ນອກຈາກຈະເລືອກຜະລິດຕະພັນທີ່ສະເພາະກຸ່ມສຳລັບຜິວປະສົມໄດ້ແກ່ຜະລິດຕະພັນປະເພດເນື້ອໂລຊັ່ນແລະເນື້ອເຈວອາດເນັ້ນໃຊ້ຜະລິດຕະພັນທີ່ໃຫ້ຄວາມຊຸ່ມຊື່ນແລະເບິ່ງແຍງຮິ້ວຮອຍໃຫ້ແກ່ຜິວບໍລິເວນນອກໂຊນນຳ
4.ຜູ້ຍິງຜິວມັນ ຄວນເລືອກໃຊ້ຜະລິດຕະພັນປະເພດເນື້ອເຈວເພາະມີສ່ວນປະສົມຂອງນ້ຳບໍ່ມີໄຂມັນ ແລະມີສ່ວນປະສົມຂອງແອນກໍຮອລ໌ທີ່ຊ່ວຍກຳຈັດຄວາມມັນໄດ້ດີທີ່ສຳຄັນຄວນເລືອກໃຊ້ຄີມກັນແດດປະເພດຟິສິຄອນ (Physical) ທີ່ມີສານ Titanium Dioxide ແລະ Zinc Oxide ຊຶ່ງເມື່ອທາຜິວມັກມີຄາບສີຂາວຕິດຢູ່ທີ່ຜິວສານກຸ່ມນີ້ຈະຊ່ວຍສະທ້ອນແສງອອກໄປມີຄຸນສົມບັດຄົງຕົວບໍ່ປ່ຽນແປ ບໍ່ມີປະຕິກິລິຢາກັບຜິວທີ່ແພ້ງ່າຍຫລືເປັນສິວ