ເຮືອບິນຂະໜາດນ້ອຍຂອງອາກຊັງຕິນ ບັນທຸກຄົນ 10 ຄົນ ຕົກຫລັງຈາກບິນຂຶ້ນບໍ່ພໍເທົ່າໃດນາທີ ມີຜູ້ເສຍຊີວິດ 7 ຄົນ ແລະ 3 ຄົນຍັງສູນຫາຍ.
ສຳນັກຂ່າວຕ່າງປະເທດ ລາຍງານໃນວັນທີ 20 ມີນານີ້ວ່າ ເກີດເຫດເຮືອບິນຂະໜາດນ້ອຍ ຂອງບໍລິສັດບີດຄຣາບ ຕົກມື້ວານນີ້ (19 ມີນາ) ຫລັງຈາກບິນຂຶ້ນສູ່ທ້ອງຟ້າໄດ້ບໍ່ດົນ ຈາກສະໜາມບິນແຫ່ງໜຶ່ງໃກ້ກັບເມືອງ Punta del Este ເມືອງພັກຕາກອາກາດໃນອຸຣຸກໄວ ເຊິ່ງໃນເຮືອບິນລຳດັ່ງກ່າວ ມີນັກບິນ 1 ຄົນ, ຜູ້ຊ່ວຍນັກບິນອີກ 1 ຄົນ ເຫລືອນັ້ນອີກ 8 ຄົນ ແມ່ນເປັນຜູ້ໂດຍສານ.
ເຈົ້າໜ້າທີ່ໄດ້ເຂົ້າກູ້ໄພໃນທັນທີ ໂດຍໄດ້ພົບຮ່າງຂອງຜູ້ເສຍຊີວິດ ເຊິ່ງໄດ້ເຄື່ອນຍ້າຍອອກຈາກຊາກເຮືອບິນ ໃນຂະນະທີ່ສາເຫດຂອງການຕົກນັ້ນ ຍັງບໍ່ທັນຮູ້ຢ່າງຊັດເຈນເທື່ອ.