ທ່ານເນທັນຢາຮູ ປະກາດໄຊຊະນະການເລືອກຕັ້ງ ເປັນນາຍົກລັດຖະມົນຕີອິດສະລາແອນ ສະໄໝີ 4 ຍາດໄດ້ 29 ຕັ່ງນັ່ງໃນສະພາ.
ສຳນັກຂ່າວຕ່າງປະເທດ ລາຍງານໃນວັນທີ 18 ມີນາຜ່ານມານີ້ວ່າ ຜົນການເລືອກຕັ້ງຜູ້ນຳອິດສະລາແອນຄັ້ງລ່າສຸດ ໂດຍມີການລົງຄະແນນສຽງໃນມື້ວັນທີ 17 ມີນາຜ່ານມານີ້ປະກົດວ່າ ທ່ານ ເບັນຈາມິນ ເນທັນຢາຮູ ຍັງຄົງສາມາດຮັກສາຕຳແໜ່ງນາຍົກລັດຖະມົນຕີໄວ້ອີກສະໄໝໜຶ່ງ ຫລັງຈາກປະຊາຊົນຜູ້ມີສິດລົງຄະແນນສຽງ ໄດ້ລົງຄະແນນໃຫ້ຜູ້ຮັບສະມັກຈາກພັກຄະລິຄຸດ ເຊິ່ງສາມາດຍາດໄດ້ 29 ຕັ່ງນັ່ງໃນລັດຖະສະພາອິດສະລາແອນ.
ທັງນີ້ ການໄດ້ຮັບໄຊຊະນະຂອງເນທັນຢາຮູໃນຄັ້ງນີ້ ນັບເປັນໄຊຊະນະທີ່ຊ່ວຍໃຫ້ເຂົາສາມາດດຳລົງຕຳແໜ່ງ ເປັນນາຍົກລັດຖະມົນຕີຂອງອິດສະລາແອນໄດ້ອີກ ເປັນສະໄໝທີ 4 ແລ້ວ.