ເມື່ອບໍ່ດົນມານີ້, ສານປະຊາຊົນນະຄອນຫລວງວຽງຈັນ, ໄດ້ຕັດ ສິນລົງໂທດທ້າວ ຈັນໄດ ອາຍຸ 29 ປີ ແລະ ນາງ ຕຸກ ອາຍຸ 25 ປີ ທັງສອງ ຢູ່ບ້ານນາລ້ອງ ເມືອງຫາດຊາຍຟອງ ນະຄອນຫລວງວຽງຈັນ ໃຫ້ຈຳຄຸກເປັນເວລາ 5 ປີພ້ອມປັບໃໝ 10 ລ້ານກີບ, ໃນຂໍ້ຫາຄ້າຂາຍຢາເສບຕິດ, ໂດຍຖືກ ເຈົ້າໜ້າທີ່ຈັບຕົວໄດ້ເມື່ອທ້າຍເດືອນພຶດສະພາ 2014 ຜ່ານມາ, ພ້ອມຂອງ ກາງຢາບ້າຈຳນວນໜຶ່ງຊຸກເຊື່ອງໄວ້ໃນເຮືອນ.
ເຈົ້າໜ້າທີ່ໃຫ້ຮູ້ວ່າ: ທ້າວ ຈັນໃດ ເລີ່ມເສບຢາບ້າມາແຕ່ປີ 2013 ໂດຍຊື້ຢານຳນາງຕຸກ, ສ່ວນນາງຕຸກເລີ່ມ ຂາຍຢາບ້າໃຫ້ໄວລຸ້ນພາຍໃນເມືອງຫາດຊາຍຟອງ ມາແຕ່ປີ 2013 ເຊັ່ນກັນ ແລະ ຢາທີ່ຈຳໜ່າຍແມ່ນຊີ້ນຳ ຂະບວນການຄ້າຢາເສບຕິດໃນນະຄອນຫລວງວຽງຈັນ.
ແຫລ່ງຂ່າວ: ລາວພັດທະນາ