spot_img
Homeຂ່າວພາຍ​ໃນອາດກາດຮ້ອນ! ເດັກນ້ອຍຫລິ້ນນ້ຳໜອງ ຈົມນ້ຳຕາຍ 3 ຢູ່ຫາດຊາຍຟອງ!

ອາດກາດຮ້ອນ! ເດັກນ້ອຍຫລິ້ນນ້ຳໜອງ ຈົມນ້ຳຕາຍ 3 ຢູ່ຫາດຊາຍຟອງ!

Published on

drowning-300x169
(ພາບປະກອບ)

ພໍ່​ແມ່​ຜູ້​ປົກ­ຄອງ​ຍາດ­ຕິ​ພີ່­ນ້ອງ​ໄດ້​ແຕ່​ຮ້ອງ­ໄຫ້​ເສຍ​ໃຈ​ຕໍ່​ການ​ ຈາກ​ໄປ​ບໍ່ມີ​ວັນ​ກັບ​ຂອງ​ເດັກ­ນ້ອຍ 3 ຄົນ​ອາ­ຍຸ​ພຽງ 4 ຫາ 5 ປີ​ເທົ່າ​ນັ້ນ​ທີ່​ເກີດ​ເຫດ​ຈົມນ້ຳ​ຕາຍ​ໃນ​ຕອນ​ແລງ​ວັນ​ທີ 11 ມີ­ນາ​ຜ່ານ​ມາ​ທີ່​ບ້ານ​ຫົວ​ຫ້າ ເມືອງ​ຫາດ​ຊາຍຟອງ ນະ­ຄອນ­ຫຼວງ​ວຽງ​ຈັນ.

ຕໍ່​ເຫດ­ການ​ທີ່​ເກີດ​ຂຶ້ນ ທ່ານ ຄຳ​ໝັ່ນ ທາ​ນຸ​ລັກ ນາຍ­ບ້ານໆ​ຫົວ​ຫ້າ​ລາຍ​ງານ ຕໍ່​ທີມ​ຂ່າວ​ພວກ​ເຮົາ​ໃຫ້​ຮູ້​ວ່າ: ກ່ອນ​ເກີດ ເຫດ​ຫຼານ​ນ້ອຍ​ທັງ​ສາມ​ທີ່​ເສຍ​ຊີ­ວິດ​ມີ​ພໍ່ຕູ້​ພາ​ຫຼານ​ອອກ​ຊອກ​ຫາ​ເອົາ​ ຟືນ​ຢູ່​ປ່າ​ໃກ້ບ້ານ​ໂດຍ​ຂີ່​ລົດ​ສາມ​ລໍ້​ອອກ​ໄປ​ແຕ່​ຕອນກັບ​ມາ​ໃສ່​ຟືນ​ ເຕັມ​ລົດ​ພໍ່​ຕູ້​ຈິ່ງ​ປ່ອຍ​ໃຫ້ຫຼານ​ຢ່າງ​ກັບ​ບ້ານ​ລຳ­ພັງ ໂດຍ​ທາງຜ່ານ​ມາ​ຫາ​ບ້ານ​ແມ່ນ​ມີ​ໜອງ​ນ້ຳເນື່ອງ ຈາກ​ປະ­ຈຸ​ບັນ​ສະ­ພາບ​ອາ­ກາດ​ຮ້ອນ​ອົບເອົ້າ​ບວກ​ກັບ​ເດັກ​ອາ­ຍຸ​ຍັງ​ນ້ອຍ​ ຮູ້​ເທົ່າ​ບໍ່ເຖິງ​ການ ຈິ່ງ​ເຮັດ​ໃຫ້​ທັງ​ສາມ​ຄົນ​ມີຄວາມ​ຄິດ​ຢາກ​ລົງ​ຫຼິ້ນ​ນ້ຳ ຊຶ່ງ​ກວ່າ​ຈະ​ຮູ້ວ່າ​ເດັກ­ນ້ອຍ​ທັງ​ສາມ​ເສຍ​ຊີ­ວິດ​ຜູ້​ເປັນ​ພໍ່ຕູ້​ແມ່ນ​ ກັບ​ມາ​ຮອດ​ເຮືອນ​ໄດ້​ປະ­ມານ 2 ຊົ່ວ­ໂມງ ແຕ່​ບໍ່​ທັນ​ເຫັນ​ຫຼານ​ມາ​ຈິ່ງ​ໄດ້​ໄປ ບອກ​ພໍ່​ແມ່​ເດັກ­ນ້ອຍ​ທັງ​ສາມ​ອອກ​ຊອກ ຫາ​ໄດ້​ປະ­ມານ 1 ຊົ່ວ­ໂມງ​ຈິ່ງ​ພົບ​ເຫັນສົບ​ເດັກ­ນ້ອຍ​ທີ່​ເສຍ​ຊີ­ວິດ​ນອນ​ຟູ​ຢູ່​ໜ້າ ນ້ຳ ແລະ ຍັງ​ອີກ​ສອງ​ຄົນ​ແມ່ນ​ຈົມ​ຢູ່​ພື້ນນ້ຳ​ຈິ່ງ​ໄດ້​ເອີ້ນ​ເອົາ​ຍາດ​ພີ່­ນ້ອງ ແລະ ຊາວ­ບ້ານ​ພາ­ກັນ​ເອົາ​ແຫ, ເອົາ​ມອງ​ມາ ກວາດ​ເອົາ​ຕາມ​ໜອງ​ໄດ້​ປະ­ມານ 30 ນາ­ທີ​ຈິ່ງ​ພົບ​ເຫັນ​ສົບ​ອີກ​ສອງ​ຄົນ.

ຢ່າງ­ໃດ​ກໍ​ຕາມ ສຳ­ລັບ​ເຫດ­ການ​ດັ່ງກ່າວ​ຖື​ວ່າ​ເປັນ​ເຫດ­ການ​ໜຶ່ງ​ທີ່​ເປັນ​ການ ເຕືອນ​ສະ­ຕິ​ພໍ່​ແມ່​ຜູ້​ປົກ­ຄອງ​ແຕ່­ລະ­ຄົນ​ໃນທົ່ວ​ປະ­ເທດ​ໃຫ້​ເອົາ­ໃຈ­ໃສ່ ​ເບິ່ງ­ແຍງ​ລູກຫຼານ​ຂອງ​ທ່ານ​ຍ່າງ​ໃກ້­ຊິດ ເພື່ອ​ເປັນການ​ບໍ່​ໃຫ້​ເສຍ​ໃຈ​ຄື​ກັບ​ເຫດ­ການ​ທີ່​ເກີດ ຂຶ້ນ​ດັ່ງ­ກ່າວ.

 

ແຫລ່ງຂ່າວ: ເສດຖະກິດ – ສັງຄົມ

 

ບົດຄວາມຫຼ້າສຸດ

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ໂດນັລ ທຣຳ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ ໂດນັລ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...