spot_img
Homeອຸບັດເຫດແລະປາກົດການຫຍໍ້ທໍ້ແກ໊ງ​ລັກ​ລົດ​ວີ​ໂກ້ ລັກ​ມາ​ແລ້ວ 8 ຄັນ ໄປ​ບໍ່​ມົ້ມ​ມືກົດ​ໝາຍ​ ສານ ນ.ວ ຕັດ​ສິນ​ລົງ​ໂທດ!

ແກ໊ງ​ລັກ​ລົດ​ວີ​ໂກ້ ລັກ​ມາ​ແລ້ວ 8 ຄັນ ໄປ​ບໍ່​ມົ້ມ​ມືກົດ​ໝາຍ​ ສານ ນ.ວ ຕັດ​ສິນ​ລົງ​ໂທດ!

Published on

jone

ເມື່ອບໍ່ດົນມານີ້, ສານປະຊາຊົນນະຄອນຫລວງໄດ້ຕັດສິນລົງໂທດທ້າວ ສຸກ ສະຫວັນ ອາຍຸ 22 ປີຢູ່ບ້ານທົ່ງພານທອງ ເມືອງສີ ສັດຕະນາກໃຫ້ຈຳຄຸກ 6 ປີເຄິ່ງພ້ອມປັບໃໝ 3 ລ້ານກີບ, ທ້າວ ເລ້ ອາຍຸ 30 ປີຢູ່ບ້ານໂພນສະຫວ່າງ ເມືອງຈັນ ທະບູລີ ຈຳຄຸກ 7 ປີພ້ອມປັບໃໝ 3,6 ລ້ານກີບ, ທ້າວ ສອນໄຊ ອາຍຸ 27 ປີຢູ່ບ້ານໂພນເຄັງ ເມືອງໄຊເສດຖາ ຈຳຄຸກ 6 ປີ 9 ເດືອນພ້ອມປັບໃໝ 4 ລ້ານກີບ ແລະ ທ້າວ ສອນສະນະ(ມ້ອນ) ອາຍຸ 24 ປີຢູ່ບ້ານນາໄຊ ເມືອງໄຊເສດຖາ ຈຳຄຸກ 4 ປີພ້ອມປັບໃໝ 3,6 ລ້ານກີບໃນ ຂໍ້ຫາລັກຊັບພົນລະເມືອງ, ນອກຈາກນີ້ຍັງຕັດສີນທ້າວ ຄຳ ສະຫວັນ ອາຍຸ 27 ປີຢູ່ ບ້ານນາທົ່ມ ເມືອງໄຊທານີຈຳຄຸກ 2 ປີ 6 ເດືອນພ້ອມປັບໄໝ 2,7 ລ້ານກີບ, ທ້າວ ເຄນ ອາຍຸ 37 ປີຢູ່ບ້ານຫົວຂົວ ເມືອງໄຊເສດຖາ ຈຳຄຸກ 2 ປີ 3 ເດືອນພ້ອມປັບໃໝ 3,5 ລ້ານກີບ, ທ້າວ ໄພວັນ (ຕຸ້ຍ) ອາຍຸ 32 ປີຢູ່ບ້ານໂພນຄຳ ເມືອງແປກ ແຂວງຊຽງຂວາງ ໃຫ້ຈຳຄຸກ 1 ປີ 6 ເດືອນພ້ອມປັບໃໝ 1,5 ລ້ານກີບ ໃນຂໍ້ຫາລັກຊັບພົນລະເມືອງ ແລະ ຊື້-ຂາຍຊັບບໍ່ຖືກກົດໝາຍ ແລະ ຕັດສີນລົງໂທດນາງ ອາລຸນີ ອາຍຸ 24 ປີພັກເຊົາຢູ່ບ້ານນາໄຊ ເມືອງໄຊເສດຖາ ຈຳຄຸກ 6 ເດືອນພ້ອມປັບໃໝ 5 ແສນກີບໃນຂໍ້ຫາປິດບັງການກະທຳຜິດ, ເຊິ່ງນັບແຕ່ກາງປີ 2012 ເປັນຕົ້ນມາພວກກ່ຽວໄດ້ ຮ່ວມກັນເຄື່ອນໄຫວລັກລົດກະບະວີໂກ້ຄື: ຢູ່ແຂວງບໍລິຄຳໄຊ ຈຳນວນ 3 ຄັນ, ນະຄອນຫລວວຽງຈັນ ຈຳນວນ 5 ຄັນ ແລ້ວພາກັນເອົາໄປຂາຍຢູ່ແຂວງຊຽງຂວາງ ແລະ ຕົກມາຮອດທ້າຍປີ 2012 ຈຶ່ງຖືກເຈົ້າໜ້າທີ່ຈັບຕົວມາດຳເນີນຄະດີຕາມລະບຽບກົດໝາຍ.

 

ແຫລ່ງ​ຂ່າວ: ລາວ​ພັດ​ທະ​ນາ

 

ບົດຄວາມຫຼ້າສຸດ

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...

ໂຄງການ ASEAN SOAR Together ໄດ້ຮ່ວມແບ່ງປັນເລື່ອງລາວຄວາມສໍາເລັດຂອງ MSME ດິຈິຕ້ອນ ທີ່ງານ ABIS 2025

ສະເຫຼີມສະຫຼອງຜົນສໍາເລັດຂອງການຫັນສູ່ດິຈິຕ້ອນຂອງ MSME ໃນທົ່ວອາຊຽນ ຜ່ານໂຄງການ ASEAN SOAR Together ກົວລາ ລໍາເປີ, 31 ຕຸລາ 2025 – ມູນນິທິ ອາຊຽນ...

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...