ກຳປູເຈຍ ສະຫລອງວັນແມ່ຍິງສາກົນ ດ້ວຍການປະກາດປ່ອຍຕົວນັກໂທດຍິງຖືພາ ແລະ ນັກໂທດຍິງແມ່ລູກອ່ອນ ຈຳນວນ 22 ຄົນ.
ສຳນັກຂ່າວຕ່າງປະເທດ ລາຍງານໃນວັນທີ 8 ມີນາຜ່ານມານີ້ວ່າ ນາຍົກລັດຖະມົນຕີຮຸນແຊນ ແຫ່ງຣາຊະອານາຈັກກຳປູເຈຍ ໄດ້ປະກາດປ່ອຍຕົວນັກໂທດຍິງ ໃນລະຫວ່າງກອງປະຊຸມສະຫລອງວັນແມ່ຍິງສາກົນ ປະຈຳປີ 2015 ທີ່ອາຄານສັນຕິພາບ ນະຄອນຫລວງພະນົມເປັນ. ໂດຍຜູ້ນຳຂອງກຳປູເຈຍ ໄດ້ແນະນຳໃຫ້ເຈົ້າໜ້າທີ່ກ່ຽວຂ້ອງ ພິຈາລະນາການປ່ອຍຕົວນັກໂທດທີ່ຖືພາ ແລະ ນັກໂທດຍິງພ້ອມດ້ວຍລູກນ້ອຍ ກ່ອນມື້ຂຶ້ນປີໃໝ່ຂອງກຳປູເຈຍທີ່ກຳລັງຈະມາເຖິງໃນເດືອນໜ້າ ໂດຍການຕັດສິນຕ້ອງດຳເນີນຂຶ້ນ ຕໍ່ບຸກຄົນທີ່ມີຄຸນສົມບັດຕາມເກນ ບໍ່ລະເມີດກົດໝາຍ ແລະ ໃຊ້ອຳນາດບໍ່ຖືກຕ້ອງ ແລະ ບໍ່ສະໜັບສະໜູນໃຫ້ແມ່ຍິງຖືພາ ຫລື ຍິງທີ່ມີລູກນ້ອຍ ກະທຳຄວາມຜິດກົດໝາຍ.