ຫວຽດ​ນາມ ກຳ​ລັງ​ວາງ​ແຜນ​ສ້າງ​ທາງ​ລົດ​ໄຟ​ຄວາມ​ໄວ​ສູງ 200 ກິ​ໂລ​ແມັດ​ຕໍ່​ຊົ່ວ​ໂມງ ໃນ​ປີ 2030 ແລະ 350 ກິ​ໂລ​ແມັດ​ຕໍ່​ຊົ່ວ​ໂມງ ໃນ​ປີ 2050.

ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ໃນ​ວັນ​ທີ 10 ມີ​ນາ​ຜ່ານ​ມາ​ນີ້​ວ່າ ນາ​ຍົກ​ລັດ​ຖະ​ມົນ​ຕີ ຫງວຽນ ເຕິນ ຢຸງ ຂອງ​ຫວຽດ​ນາມ ໄດ້​ອະ​ນຸ​ມັດ​ແຜນ​ການ​ສະ​ບັບ​ໃໝ່ ໃນ​ທ້າຍ​ອາ​ທິດ​ທີ່​ຜ່ານ​ມາ ເຊິ່ງ​ເປັນ​ໂຄງ​ການ​ປັບ​ປຸງ​ທາງ​ລົດ​ໄຟ​ສາຍ​ເໜືອ – ໃຕ້ ຂອງ​ປະ​ເທດ​ໃຫ້​ທັນ​ສະ​ໄໝ​ຂຶ້ນ ພ້ອມ​ທັງ​ຍັງ​ມີ​ແຜນ​ກໍ່​ສ້າງ​ເສັ້ນ​ທາງ​ລົດ​ໄຟ​ສາຍ​ໃໝ່ ເຊິ່ງ​ເປັນ​ລົດ​ໄຟ​ຄວາມ​ໄວ​ສູງ 200 ກິ​ໂລ​ແມັດ​ຕໍ່​ຊົ່ວ​ໂມງ.

ສະ​ເພາະ​ດ້ານ​ການ​ປັບ​ປຸງ​ທາງ​ລົດ​ໄຟ​ສາຍ​ເກົ່າ​ນັ້ນ ທາງ​ການ​ໄດ້​ຕັ້ງ​ເປົ້າ​ເພີ່ມ​ຄວາມ​ໄວ​ຂອງ​ລົດ​ໄຟ ໃຫ້​ແລ່ນ​ໄວ​ເຖິງ 90 ກິ​ໂລ​ແມັດ​ຕໍ່​ຊົ່ວ​ໂມງ​ ພາຍ​ໃນ​ປີ 2020 ແລະ ຈາກ​ນັ້ນ ຈະ​ມີ​ການ​ກໍ່​ສ້າງ​ທາງ​ລົດ​ໄຟ​ສາຍ​ໃໝ່ 200 ກິ​ໂລ​ແມັດ​ຕໍ່​ຊົວ​ໂມງ ເຊິ່ງ​ຈະ​ລົງ​ມື​ໃນ​ປີ 2030 ແລະ ຕໍ່​ໄປ​ອີກ​ພາຍ​ໃນ​ປີ 2050 ແມ່ນ​ມີ​ແຜນ​ຈະ​ຍົກ​ລະ​ດັບ​ຄວາມ​ໄວ​ລົດ​ໄຟ ໃຫ້​ສູງ​ເຖິງ 350 ກິ​ໂລ​ແມັດ​ຕໍ່​ຊົ່ວ​ໂມງ​ອີກ​ດ້ວຍ.