– ລົງຮອງພື້ນທີ່ເປັນສູດນ້ຳທາແລະເກ່ຍໃຫ້ທົ່ວໃບໜ້າໜ້າຈະເບິ່ງບໍ່ມັນວາວເກີນໄປແລະຍັງຕິດທົນດົນອີກດ້ວຍ
- ບໍລິເວນດວງຕາໃຫ້ລົງໄພເມີເປັນຕົວຊ່ວຍ ຈະເຮັດໃຫ້ຜິວບ່ອນເປືອກຕາເບິ່ງນຽນລຽບອາຍແຊໂດຕິດທົນແລະບໍ່ມັນ
- ສ່ວນມາດຄາລາ ຄວນໃຊ້ມາດຄາລ່າແບບກັນນ້ຳເພາະຈະສາມາດກັນເຫື່ອໄດ້ດີແລະບໍ່ເຮັດໃຫ້ໄຫລເຍີ້ມ
- ອາຍໄລເນີຄວນເລືອກໃຊ້ແບບຊະນິດກັນນ້ຳເຊັ່ນກັນການໃຊ້ອາຍໄລເນີໃນຊ່ວງໜ້າຮ້ອນຄື ຫລັງຈາກກີດອາຍໄລເນີສຳເລັດແລ້ວໃຫ້ໃຊ້ອາຍແຊໂດທາບາງໆທັບເສັ້ນອາຍໄລເນີອີກຄັ້ງຈະເຮັດໃຫ້ອາຍໄລເນີບໍ່ຫລຸດລອກແລະຕິດທົນຕະຫລອດມື້
- ແກ້ມໃຫ້ປ່ຽນມາໃຊ້ບລັດສະອອນແບບຄີມແທນແບບຝຸ່ນຊຶ່ງຈະຕິດທົນດົນຫລາຍກວ່າແຖມຍັງສາມາດໃຊ້ໄດ້ໃນທຸກສະພາບອາກາດນອກຈາກຈະເຮັດໃຫ້ຜິວຊຸ່ມຊື້ນແລ້ວຍັງບໍ່ເຮັດໃຫ້ຜິວມັນເຍີ້ມຈົນເກີນໄປ
- ຮີມສົບ ຄວນເລືອກໃຊ້ລິບບາທີ່ມີສ່ວນປະສົມຂອງສານປ້ອງກັນແສງແດດຈະດີທີ່ສຸດເພາະຖືວ່າເໝາະກັບອາກາດຮ້ອນໆແຖມຍັງຊ່ວຍປົກປ້ອງຮີມສົບຈາກແສງແດດໄດ້ອີກດ້ວຍ
ຮຽນຮູ້ເທັກນິກແຕ່ງໜ້າໃຫ້ງາມຕະຫລອດມື້ກັນໄປແລ້ວໜ້າຮ້ອນນີ້ສາວໆກໍຢ່າລືມເອົາເທັກນິກການແຕ່ງໜ້າງ່າຍໆທີ່ແນະນຳນີ້ໄປລອງໃຊ້ກັນເບິ່ງແລະຂໍເຕືອນໄວ້ກ່ອນເລີຍວ່າເວລາເຫື່ອອອກຢ່າໃຊ້ເຈ້ຍອານາໄມຖູໜ້າຢ່າງເດັດຂາດຊັບໆກໍພໍເພາະເຄື່ອງສຳອາງອາດຈະຫລຸດລອກອອກມາກັບເຈ້ຍອານາໄມກໍເປັນໄດ້ລະວັງຈະບໍ່ງາມ