ສຳນັກຂ່າວສານກຽວໂດ ປະເທດຍີ່ປຸ່ນ ໄດ້ລາຍງານໃນວັນອັງຄານທີ 3 ມີນາ ຜ່ານມານີ້ວ່າ : ກະຊວງການເງິນ ແລະ ສຳນັກງານຜະລິດຫລຽນຍີ່ປຸ່ນຈະຜະ ລິດຫລຽນເງິນທີ່ລະນຶກ ຈຳນວນ 10.000 ຫລຽນໃຫ້ແກ່ທະນາຄານ ສປປ ລາວ ເພື່ອນຳໃຊ້ເຂົ້າໃນການສະເຫລີມສະຫລອງ ວັນສ້າງຕັ້ງສາຍພົວພັນການທູດຄົບຮອບ 60 ປີ.
ລາວເປັນປະເທດທີ 8 ທີ່ຍີ່ປຸ່ນໄດ້ຜະລິດຫລຽນທີ່ລະນຶກໃຫ້ນັບແຕ່ສົງຄາມໂລກຄັ້ງທີ 2 ຫລຽນດັ່ງກ່າວນີ້ ຈະສະແດງໃຫ້ເຫັນພະທາດຫລວງ ທີ່ເປັນເອກະລັກຂອງຊາດລາວ ແລະ ມີດ້ານຫນ້າທີ່ມີູນຄ່າ 50.000 ກີບ. ສ່ວນທາງຫລັງຂອງຫລຽນ ຈະສະແດງໃຫ້ເຫັນດອກແຊຣີ ແລະ ດອກຈຳປາ, ດອກໄມ້ປະຈຳຊາດຂອງລາວ.
ທ່ານ ຕາໂຣ ອາໂຊ ລັດຖະມົນຕີກະຊວງການເງິນຍີ່ປຸ່ນກ່າວຕໍ່ກອງປະຊຸມວ່າ : ຫລຽນດັ່ງກ່າວນີ້ ຈະເປັນການປະ ກອບສ່ວນສົ່ງເສີມສາຍພົວພັນສອງຝ່າຍ ໃຫ້ແໜ້ນແຟ້ນຍິ່ງຂຶ້ນ.
ຫລຽນສ່ວນຫລາຍຈະຂາຍຢູ່ຍີ່ປຸ່ນ ໃນລາຄາ 6.171 ຕໍ່ຫນຶ່ງຫລຽນ ໂດຍມີການເປີດຂາຍອອນລາຍນັບແຕ່ວັນ ພຸດທີ 4 ມີນາ ຈົນເຖິງວັນທີ 3 ເມສາ.
ແຫລ່ງຂ່າວ: ລາວພັດທະນາ