ລັດຖະບານຊາອຸ ແລະ ເກົາຫລີໃຕ້ ບັນລຸຂໍ້ຕົກລົງຮ່ວມມືດ້ານນິວເຄລຍ ເປີດທາງເກົາຫລີໃຕ້ ສ້າງເຕົາປະຕິກອນໃນຊາອຸດິອາຣະເບຍ.
ສຳນັກຂ່າວຕ່າງປະເທດ ລາຍງານໃນວັນທີ 5 ມີນານີ້ວ່າ ກະສັດຊັນມານ ແຫ່ງຊາອຸດິອາຣະເບຍ ແລະ ປະທານາທິບໍດີ ປັກ ກຶນ ເຮ ແຫ່ງເກົາຫລີໃຕ້ ໄດ້ລົງນາມໃນບັນທຶກຄວາມເຂົ້າໃຈ ຫລື MOU ວ່າດ້ວຍຄວາມຮ່ວມມືທາງນິວເຄລຍ ທີ່ນະຄອນຫລວງຣິຢາດ ເຊິ່ງເປີດທາງໃຫ້ບໍລິສັດເອກະຊົນຂອງເກົາຫລີໃຕ້ ເຂົ້າໄປສ້າງເຕົາປະຕິກອນນິວເຄລຍຂະໜາດກາງ ຢ່າງໜ້ອຍ 2 ຊຸດ ໃຫ້ກັບຊາອຸດິອາຣະເບຍໄດ້ ໂດຍຂໍ້ຕົກລົງດັ່ງກ່າວນີ້ ມີມູນຄ່າສູງເກືອບ 2 ຕື້ໂດລາສະຫະລັດ ໂດຍທາງຊາອຸດິອາຣະເບຍເອງ ແມ່ນມີຄວາມຕ້ອງການທີ່ຈະສ້າງໂຮງງານໄຟຟ້ານິວເຄລຍ ແຫ່ງທຳອິດຂອງປະເທດ ໃນຂະໜາດ 17 ກິກະວັດ ພາຍໃນປີ 2032.