ເຈົ້າໜ້າທີ່ກົມປ່າໄມ້ມຽນມ້າເປີດເຜີຍວ່າ ສາມາດຈັບຊ້າງເຜືອກຫາຍາກໄດ້ 1 ໂຕ ໃນບໍລິເວນປ່າເຂດອີຣະວະດີ.
ສຳນັກຂ່າວຕ່າງປະເທດ ລາຍງານໃນວັນທີ 1 ມີນາຜ່ານມານີ້ວ່າ ທ່ານ ຕຸນ ຕຸນ ອູ ເຈົ້າໜ້າທີ່ກົມປ່າໄມ້ຂອງມຽນມ້າໄດ້ລະບຸ ສາມາດຈັບຊ້າງເຜືອກໄດ້ 1 ໂຕ ເຊິ່ງເປັນເພດແມ່ ອາຍຸ 7 ປີ ໂດຍຈັບໄດ້ໃນວັນສຸກທີ 27 ກຸມພາຜ່ານມາ ໃນເຂດປ່າສະຫງວນຂອງເມືອງພະສິມ ເຊິ່ງນັບເປັນຊ້າງເຜືອກໂຕທີ 9 ທີ່ຖືກຈັບໄດ້ໃນປະເທດມຽນມ້າ.
ທັງນີ້ ຊ້າງເຜືອກເປັນສິດທີ່ໄດ້ຮັບການເຄົາລົບນັບຖືມາຫລາຍສະຕະວັດໃນມຽນມ້າ ໄທ ແລະ ລາວ ລວມເຖິງບັນດາປະເທດໃນພາກພື້ອນອາຊີອື່ນໆ ເນື່ອງຈາກຊ້າງເຜືອກມີສີອົມບົວ ຂົນຕາ ແລະ ເລັບຕີນມີສີຂາວ ຖ້າຫາກພົບເຫັນແມ່ນຈະຖືກຄ້ອງມາ ເພື່ອລ້ຽງດູໂດຍກະສັດ ແລະ ຫລາຍຄົນເຊື່ອວ່າຊ້າງເຜືອກເຫລົ່ານີ້ ຈະນຳໂຊກດີຄືນມາສູ່ປະເທດ.
ປັດຈຸບັນມຽນມ້າ ມີຊ້າງເຜືອກຢູ່ໃນຄອບຄອງທັງໝົດ 8 ໂຕ ສ່ວນໃຫຍ່ແມ່ນໄດ້ມາຈາກເຂດອີຣະວະດີ ໂດຍຖືກລ້ຽໜງຢູ່ສວນສັດນະຄອນຫລວງເນປິດໍ 5 ໂຕ ທີ່ສວນສັດນະຄອນຢາງກຸ້ງ 3 ໂຕ ໂດຍໂຕລ່າສຸດທີ່ຈັບໄດ້ນັ້ນ ແມ່ນຍັງບໍ່ທັນຮູ້ຊັດເຈນວ່າ ຈະນຳໄປລ້ຽງໄວ້ຢູ່ສະຖານທີ່ໃດ.