ເຈົ້າ​ໜ້າ​ທີ່​ຂອງ​ບໍ​ລິ​ສັດ​ກູ​ເກິ້ນ​ເປີດ​ເຜີຍ​ວ່າ ຈີ​ເມວ (Gmail) ມີ​ໃຫ້​ບໍ​ລິ​ການ​ໃນ​ພາ​ສາ​ມຽນ​ມ້າ​ແລ້ວ ເປັນ​ພາ​ສາ​ທີ 74 ໃນ​ລະ​ບົບ​ອີ​ເມວ​ຂອງ​ບໍ​ລິ​ສັດ.

ສຳ​ນັກ​ຂ່າວ​ຕ່າ​ງ​ປະ​ເທດ ລາຍ​ງານ​ໃນ​ວັນ​ທີ 26 ກຸມ​ພາ​ຜ່ານ​ມາ​ນີ້​ວ່າ ທ່ານ ໄບ​ຣ​ອັນ ເຄມ​ເລີ ຜູ້​ຈັດ​ການ​ຜະ​ລິດ​ຕະ​ພັນ​ຂອງ​ກູ​ເກີ້ນ ໄດ້​ລະ​ບຸ​ວ່າ ໃນ​ປີ 2011 ມີ​ຊາວ​ມຽນ​ມ້າ​ພຽງ 500,000 ຄົນ​ເທົ່າ​ນັ້ນ ທີ່​ເຂົ້າ​ເຖິງ​ອິນ​ເຕີ​ເນັດ ຊິ່ງ​ໜ້ອຍ​ກ່​ວາ 1% ຂອງ​ປະ​ຊາ​ກອນ​ທັງ​ໝົດ​ 53 ລ້ານ​ຄົນ ແຕ່​ການ​ເປີດ​ປະ​ເທດ​ເມື່ອ​ບໍ່​ດົນ​ມາ​ນີ້ ລວມ​ທັງ​ການ​ໃຊ້​ງານ​ໂທ​ລະ​ສັບ​ມື​ຖື​ທີ່​ເພີ່ມ​ຂຶ້ນ​ນັ້ນ ໄດ້​ເຮັດ​ໃຫ້​ຊາວ​ມຽນ​ມ້າ​ເຂົ້າ​ເຖິງ​ອິນ​ເຕີ​ເນັດ ຂະ​ຫຍາຍ​ຕົວ​ເປັນ 2.6 ລ້ານ​ຄົນ​ແລ້ວ ເຮັດ​ໃຫ້​ບໍ​ລິ​ສັດ​ກູ​ເກີ້ນ ໄດ້​ສະ​ໜັບ​ສະ​ໜູນ​ດ້ວຍ​ການ​ພັດ​ທະ​ນາ​ພາ​ສາ​ມຽນ​ມ້າ ເຂົ້າ​ໃນ​ລະ​ບົບ​ບໍ​ລິ​ການ​ອີ​ເມວ​ຂອງ​ຕົນ ເປັນ​ທີ່​ຮຽບ​ຮ້ອຍ​ແລ້ວ.