ຍີ່ປຸ່ນລ້ຳຍຸກອີກຂັ້ນ ສ້າງຫຸ່ນຍົນພະຍາບານ ສາມາດປະຄອງ ແລະ ອູ້ມຄົນເຈັບໄດ້ແທນຄົນ ຢ່າງນຸ້ມນວນ.
ຍີ່ປຸ່ນເປັນປະເທດທີ່ເອົາຈິງເອົາຈັງ ກັບການພັດທະນາຫຸ່ນຍົນຫລາຍທີ່ສຸດ ປະເທດໜຶ່ງຂອງໂລກ ແຖມຍັງມຸ່ງເນັ້ນພັດທະນາ ເພື່ອໃຫ້ໃຊ້ງານໄດ້ແທ້ຈິງໃນຊີວິດປະຈຳວັນຂອງມະນຸດ ລ່າສຸດສະຖາບັນຣິເກັນ (Riken) ຜູ້ພັດທະນາຫຸ່ນຍົນຂອງຍີ່ປຸ່ນ ກໍໄດ້ເປີດຕົວຫຸ່ນຍົນ ໂຣແບຣ໌ (Robear) ທີ່ຈະມາເຮັດໜ້າທີ່ເປັນພະຍາບານ ເຊິ່ງມີຄວາມສາມາດຊ່ວຍປະຄອງ ແລະ ຍົກຄົນເຈັບໄດ້ເປັນຢ່າງດີ ໂດຍພະຍາບານສາວທັງຫລາຍ ຈະບໍ່ຕ້ອງເມື່ອຍ ແລະ ປວດຫລັງ ກັບການອູ້ມຄົນເຈັບອີກແລ້ວຕໍ່ໄປ.
ຫຸ່ນດັ່ງກ່າວ ໄດ້ຖືກເຜີຍແຜ່ພາບອອກມາຄັ້ງທຳອິດ ໃນວັນທີ 24 ກຸມພາຜ່ານມານີ້ ເຊິ່ງເປັນຫຸ່ນທີ່ມີນ້ຳໜັກປະມານ 140 ກິໂລ ແລະ ມີຄວາມສູງເທົ່າກັບຄົນ ພ້ອມທັງມີຄວາມສາມາດຕ່າງໆ ອັນເປັນທີ່ຄາດຫວັງວ່າ ມັນຈະເຂົ້າມາຊ່ວຍແບ່ງເບົາວຽກໃນໂຮງໝໍ ຫລື ສະຖານທີ່ປິ່ນປົວຕ່າງໆໄດ້ເປັນຢ່າງດີ ຈາກຄວາມສາມາດທີ່ໂດດເດັ່ນຂອງມັນຄື ສາມາດປະຄອງ ແລະ ອູ້ມຄົນເຈັບ ຫລື ຜູ້ສູງອາຍຸ ໃຫ້ລຸກຂຶ້ນຈາກຕຽງໄດ້ຢ່າງນຸ້ມນວນ.
https://www.youtube.com/watch?v=W_hZRxaJvy0