ທ່ຽງຄືນຂອງວັນທີ 19 ກຸມພານີ້ຢູ່ທາງເລກ 9 ຂອບເຂດບ້ານສະພັງ ແກ້ວ ເມືອງໄກສອນພົມວິຫານ ແຂວງສະຫວັນນະເຂດ ເກີດເຫດລົດກະບະຍີ່ ຫໍ້ມາສດາໝາຍເລກທະບຽນສະຫວັນນະເຂດ ກກ 6999 ມີຄົນໃນລົດທັງໝົດ 4 ຄົນ ເສຍ ຫຼັກຕົກຂອກທາງໄປຕຳກັບທໍ່ລະ ບາຍນ້ຳທາງເຂົ້າເຮືອນຂອງປະຊາຊົນເປັນເຫດໃຫ້ມີຜູ້ເສຍຊີວິດຄາທີ່ 1 ຄົນ, ບາດເຈັບສາຫັດ 2 ຄົນ ແລະ ບາດ ເຈັບເລັກໜ້ອຍ 1 ຄົນ, ພາຫະນະເປ່ເພ ໜັກ.
ຕາມການໃຫ້ຂໍ້ມູນຈາກພະແນກຕຳຫຼວດຈະລາຈອນກອງບັນຊາການ ປກສ ແຂວງສະຫວັນນະເຂດ ແລະ ຕຳຫຼວດຈະລາຈອນເມືອງອາດສະພັງທອງໃນວັນທີ 23 ກຸມພາ ທີ່ຜ່ານມາວ່າ: ລົດຄັນດັ່ງກ່າວໄດ້ຂັບໂດຍທ້າວ ບຸນມີ ແສນລາດ ອາຍຸ 23 ປີອາຊີບພະນັກງານ ໄດ້ແລ່ນໄປຕາມຖະໜົນເລກ 9 ມຸ່ງໜ້າ ແຕ່ທິດຕາເວັນອອກຫາທິດຕາເວັນຕົກ ເມື່ອແລ່ນລົດຮອດຂອບເຂດບ້ານສະພັງ ແກ້ວໄດ້ເສຍຫຼັກຕົກທາງເປັນເຫດໃຫ້ຜູ້ທີ່ນ່ັງມານຳຄື: ທ້າວ ໝຸດ ອາຍຸ 23 ປີອາ ຊີບພະນັກງານບາດເຈັບເລັກໜ້ອຍ, ທ້າວ ຈັນປະເສີດ ອາຍຸ 25 ປີອາຊີບພະ ນັກງານບາດເຈັບສາຫັດ ແລະ ທ້າວ ບຸນມີ ໄດ້ ຮັບບາດເຈັບສາຫັດ ສ່ວນ ທ້າວ ພົງສະ ຫວັນ ອາຍຸ 37 ປີບ້ານຢູ່ປະຈຸບັນ ໂພໄຊ ອາຊີບພະນັກງານເສຍຊີວິດຄາທີ່ໂດຍເຫດການຄັ້ງນີ້ພາກສ່ວນທີ່ກ່ຽວ ຂ້ອງໄດ້ໃຊ້ເວລາເຂົ້າໄປຊ່ວຍຜູ້ໄດ້ຮັບອຸບັດຕິເຫດເປັນເວລາທັງໝົດປະມານ 3 ຊົ່ວໂມງຈຶ່ງສຳເລັດ.
ແຫລ່ງຂ່າວ: ເສດຖະກິດ – ສັງຄົມ