ຄວາມເຊື່ອເລື່ອງຄວາມງາມແບບຜິດໆໃຊ້“ເບກກິ້ງໂຊດາ”ລ້າງໜ້າຫວັງກະຊັບຮູຂຸມຂົນແພດຜິວໜັງເຕືອນສຸດອັນຕະລາຍສ່ຽງເກີດອາການແພ້ລະຄາຍເຄືອງ,ຂຶ້ນຜື່ນແດງຮຸນແຮງຜື່ນກາຍເປັນສີດຳ ໃບໜ້າອັກເສບແຖມຖິ້ມຮອຍດຳເທິງໃບໜ້າຢ້ຳຫ້າມຫລົງເຊື່ອໃຊ້ລ້າງໜ້າເດັດຂາດ
ຜູ້ສື່ຂ່າວລາຍງານວ່າຂະນະນີ້ໃນສັງຄົມອອນໄລມີການເຜີຍແຜ່ຂໍ້ມູນວ່າສາມາດໃຊ້ເບກກິ້ງໂຊດາຫລືໂຊດຽມໄບຄາລບໍເນດທາບໍລິເວນໃບໜ້າແລ້ວລ້າງອອກດ້ວຍນ້ຳສະອາດເພື່ອກະຊັບຮູຂຸມຂົນລ່າສຸດສະມາຄົມແພດຜິວໜັງແຫ່ງປະເທດໄທກ່າວເຖິງກໍລະນີດັ່ງກ່າວວ່າເລື່ອງນີ້ເປັນໄປບໍ່ໄດ້ເພາະຮູຂຸມຂົນເທິງໃບໜ້າເປັນລັກສະນະໂຄງສ້າງຖາວອນບໍ່ມີຫຍັງຊ່ວຍລຸດໄດ້ແມ່ນແຕ່ການທາຢາກໍເປັນພຽງການຊ່ວຍລະງັບຊົ່ວຄາວຫລືປົກປິດເທົ່ານັ້ນບໍ່ສາມາດປ່ຽນໂຄງສ້າງຂອງຕ່ອມໃນຄົນໄດ້ນອກຈາກນີ້ ການໃຊ້ເບກກິ້ງໂຊດາຍັງອາດຈະເຮັດໃຫ້ໃບໜ້າເກີດອາການແພ້ໄດ້ອີກດ້ວຍໂດຍໃນຄົນທີ່ແພ້ຈະເຮັດໃຫ້ເກີດຮອຍຜື່ນແດງຄັນຄືກັບການແພ້ແລະລະຄາຍເຄື່ອງສຳອາງດັ່ງນັ້ນຈຶ່ງບໍ່ຄວນໃຊ້ເບກກິ້ງໂຊດາລ້າງໜ້າໂດຍເດັດຂາດ
“ຄົນທີ່ເກີດອາການແພ້ຢ່າງຮຸນແຮງຈະເຮັດໃຫ້ເກີດພາວະຜື່ນແດງຈົນກາຍເປັນຜື່ນສີດຳແລະມີການອັກເສບເທິງໃບໜ້າໄດ້ຄືກໍລະນີທີ່ແພ້ເຄື່ອງສຳອາງຢ່າງໃດກໍຕາມຂໍຢືນຢັນວ່າປົກກະຕິແລ້ວເບກກິ້ງໂຊດາແທບບໍ່ມີການນຳມາໃຊ້ກ່ຽວກັບຜິວໜັງເລີຍຍົກເວັ້ນກໍລະນີທີ່ເຮົາຖືກພິດຂອງແມງກະພຸນໄຟ ເຖິງຈະມີການນຳເບກກິ້ງໂຊດາມາໃຊ້ໃນການຊ່ວຍລຸດອາການອັກເສບໂດຍເບກກິ້ງໂຊດາຈະໄປຊ່ວຍລຸດກົດດ່າງທີ່ເກີດຈາກພິດຂອງແມງກະພຸນໄຟໄດ້ແຕ່ກໍຍັງບໍ່ແມ່ນຕົວທີ່ດີທີ່ສຸດດັ່ງນັ້ນຈຶ່ງບໍ່ຄວນນຳມາໃຊ້ກັບຜິວໜັງ” ນາຍົກສະມາຄົມແພດຜິວໜັງກ່າວການທີ່ຈະນຳສິ່ງໃດກໍຕາມມາໃຊ້ກັບຜິວໜັງຫາກເປັນເຄື່ອງສຳອາງກໍຕ້ອງຜ່ານການວິໄຈແລະຮອງຮັບມາດຕະຖານລວມເຖິງຜ່ານການກວດສອບຈາກສຳນັກງານຄະນະກຳມະການອາຫານແລະຢາແລ້ວວ່າບໍ່ເຮັດໃຫ້ເກີດການແພ້ເພາະການທີ່ນຳຂອງທີ່ຜິດໆບໍ່ຜ່ານການຮອງຮັບມາໃຊ້ຈະເຮັດໃຫ້ເກີດຜົນເສຍຫລາຍກວ່າແລະຍັງບໍ່ຊ່ວຍໃຫ້ຫຍັງດີຂຶ້ນຢ່າງກໍລະນີນຳເບກກິ້ງໂຊດາມາໃຊ້ລ້າງໜ້ານັ້ນກໍຈະເຮັດໃຫ້ຜິວໜ້າເກີດອາການແພ້ເກີດຜື່ນດຳດ່າງເປັນຮອຍດຳໄດ້