spot_img
Homeອຸບັດເຫດແລະປາກົດການຫຍໍ້ທໍ້ປກສ ນະຄອນຫລວງວຽງ​ຈັນ ມ້າງເຄືອຂ່າຍຢາເສບຕິດລາຍໃຫຍ່!

ປກສ ນະຄອນຫລວງວຽງ​ຈັນ ມ້າງເຄືອຂ່າຍຢາເສບຕິດລາຍໃຫຍ່!

Published on

Untitled-12

ເມື່ອວັນທີ 30 ມັງກອນຜ່ານມາ , ເຈົ້າໜ້າທີ່ສະກັດກັ້ນ ແລະ ຕ້ານຢາເສບຕິດ ນະຄອນຫລວງວຽງຈັນ, ໄດ້ນຳກຳລັງເຂົ້າສະກັດ ແລະ ປິດລ້ອມລົດເປົ້າໝາຍຄ້າ ຢາເສບຕິດລາຍໃຫຍ່ຢູ່ເຂດເສັ້ນທາງບ້ານຊຳເກດ ເມືອງສີໂຄດຕະບອງ ນະຄອນ ຫລວງວຽງຈັນ ໄດ້ຜູ້ຕ້ອງຫາຄື: ທ້າວ ວິລະໄຊ ທິບດາວົງ ອາຍຸ 40 ປີຢູ່ບ້ານງິ້ວ ເມືອງຊຳເໜືອ ແຂວງຫົວພັນແລະ ນາງ ອ່ອນຈັນ ພົງປະດິດ ອາຍຸ 42 ປີ, ເຊິ່ງທັງ ສອງພັກເຊົາຢູ່ບ້ານນາທົ່ມ ເມືອງໄຊທານີ ນະຄອນຫລວງວຽງຈັນ ພ້ອມຂອງ ກາງຢາບ້າ 60 ພັນເມັດທີ່ຊຸກເຊື່ອງໄວ້ຢູ່ລົດໃຫຍ່ດັ່ງກ່າວເຈົ້າໜ້າທີ່ຈຶ່ງໄດ້ຍືດໄວ້ເປັນ ຫລັກຖານໃນການດຳ ເນີນຄະດີຕາມລະບຽບກົດໝາຍ.

ທ້າວ ວິລະໄຊ ຮັບສາລະພາບຕໍ່ເຈົ້າໜ້າທີ່ວ່າ: ຢາບ້າຈຳນວນດັ່ງກ່າວແມ່ນໄດ້ເອົາມາຈາກເຄືອຂ່າຍຂະບວນການຄ້າ ຢາເສບຕິດໃນເຂດພາກເໜືອ ເພື່ອຈະເອົາໄປສົ່ງໃຫ້ລູກຄ້າ, ແຕ່ຖືກເຈົ້າໜ້າທີ່ຈັບຕົວໄດ້ກ່ອນ.

ປັດຈຸບັນ, ເຈົ້າໜ້າທີ່ພວມເລັ່ງໃສ່ສືບສວນ-ສອບສວນລະອຽດຕື່ມ ເພື່ອຂະຫຍາຍຜົນເຖິງຜູ້ເປັນຫົວໂປ່ໂຕການຂອງເຄືອ ຂ່າຍຄ້າຂາຍຢາເສບຕິດດັ່ງກ່າວເພື່ອນຳຈັບຕົວມາດຳເນີນຄະດີຕາມລະບຽບກົດໝາຍຢ່າງເດັດຂາດ.

 

ແຫລ່ງ​ຂ່າວ: ລາວ​ພັດ​ທະ​ນາ

 

ບົດຄວາມຫຼ້າສຸດ

ປະທານປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂໍ່ານັບຂອງ ສົມເດັດພະເທບ ແຫ່ງ ຣາຊະອານາຈັກໄທ

ປະທານປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂໍ່ານັບຂອງ ສົມເດັດ ພະກະນິດຖາທິຣາດເຈົ້າ ກົມສົມເດັດພະເທບພະຣັດຣາດສຸດາ ສະຫຍາມບໍຣົມມະຣາດຊະກຸມາຣີ ແຫ່ງ ຣາຊະອານາຈັກໄທ. ໃນຕອນບ່າຍຂອງວັນທີ 22 ເມສາ 2025,...

ນັກທ່ອງທ່ຽວຕ່າງຊາດທີ່ຈະເດີນທາງເຂົ້າໄທ ດ້ວຍພາສປອດຕ້ອງໄດ້ຂຽນຟອມອອນລາຍ ເລີ່ມ 1 ພຶດສະພານີ້

ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ (ນັກທ່ອງທ່ຽວ, ຄົນຕ່າງປະເທດ) ທີ່ຈະເດີນທາງໄປປະເທດໄທ ຕ້ອງໄດ້ເຂົ້າຕື່ມແບບຟອມ (TDAC) ລິ້ງ https://tdac.immigration.go.th/arrival-card/#/home ທາງອອນລາຍ...

ຍຶດຢາບ້າຈຳນວນ 101 ເປົາ ເທົ່າກັບ 20.200.000 ເມັດ, ນໍ້າໜັກ 2.020 ກິໂລກຼາມ.

ກອງບັນຊາການ ປກສ ແຂວງບໍ່ແກ້ວ ຍຶດຂອງກາງ ຢາບ້າຈຳນວນ 101 ເປົາ ເທົ່າກັບ 20.200.000 ເມັດ, ນໍ້າໜັກ 2.020 ກິໂລກຼາມ. ໃນຄັ້ງວັນທີ 21...

ປກສ ນະຄອນໄກສອນ ພົມວິຫານ ຈັບຜູ້ສໍ້ໂກງ ແລະ ລັກຊັບ

ເຈົ້າໜ້າທີ່ ປກສ ນະຄອນໄກສອນ ພົມວິຫານ ແຂວງສະຫວັນນະເຂດ ໄດ້ຈັບທ້າວ ວັນນະລາດ ອາຍຸ 55 ປີ ອາຊີບກຳມະກອນ ເຊື້ອຊາດ-ສັນຊາດລາວ ບ້ານເກີດໂພນໄຊ ເມືອງໂພນໂຮງ...