ກອງປະຊຸມຄົບຄະນະຂອງກຳມາທິການກົດໝາຍສະພາແຫ່ງຊາດ ປະຈຳປີ 2012-2013 ໄດ້ໄຂຂຶ້ນໃນລະຫວ່າງວັນທີ 13-14
ກຸມພາ 2013 ທີ່ແຂວງວຽງຈັນ ໂດຍການເປັນປະທານຂອງທ່ານ ສຈ. ດາວອນ ຫວ່າງວິຈິດ ກຳມະການຄະນະປະຈຳ ປະທານ
ກຳມາທິການກົດໝາຍ ໃຫ້ກຽດເຂົ້າຮ່ວມມີທ່ານ ສົມພັນ ແພງຄຳມີ ຮອງປະທານສະພາແຫ່ງຊາດ ປະທານ ແລະ ຮອງປະທານ
ກຳມາທິການຂອງ ສພຊ ຄະນະ ສສຊ ເພດຍິງ ປະທານຄະນະ ສສຊ ປະຈຳເຂດເລືອກຕັ້ງທີ 10 ສສຊ ສັງກັດກຳມາທິການກົດ
ໝາຍ ແລະ ພາກສ່ວນກ່ຽວຂ້ອງ.
ກອງປະຊຸມຄັ້ງນີ້ ເພື່ອປະກອບຄຳເຫັນໃສ່ບົດລາຍງານການເຄື່ອນໄຫວວຽກງານປະຈຳປີ 2012 ແລະ ທິດທາງແຜນການວຽກງານ
ປະຈຳປີ 2013 ຂອງກຳມາທິການກົດໝາຍ ໂດຍສະເພາະແມ່ນວຽກງານສ້າງ ແລະ ປັບປຸງກົດໝາຍການໂຄສະນາ ເຜີຍແຜ່ກົດ
ໝາຍ ການຕິດຕາມກວດກາການຈັດຕັ້ງປະຕິບັດລັດຖະທຳມະນູນ ແລະ ກົດໝາຍ ການອະທິບາຍ ແລະ ຕີຄວາມໝາຍຂອງກົດ
ໝາຍ ລວມທັງວຽກງານແກ້ໄຂຄຳຮ້ອງຂໍຄວາມເປັນທຳ ແລະ ສັນຊາດ ຄົ້ນຄວ້າປະກອບຄຳເຫັນໃສ່ຮ່າງປັບປຸງກົດໝາຍວ່າດ້ວຍ
ການແກ້ໄຂຄຳຮ້ອງທຸກ ເພື່ອເປັນການກະກຽມເນື້ອໃນໃຫ້ແກ່ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VII
ທີ່ຈະໄຂຂຶ້ນໃນເດືອນມິຖຸນາທີ່ຈະມາເຖິງນີ້.
ທີ່ມາ:www.vientianemai.net