ສຳລັບແມ່ຫລາຍຄົນການລ້ຽງລູກເປັນຄວາມຮູ້ທີ່ໄດ້ຮັບການຖ່າຍທອດມາຈາກທັງຜູ້ມີປະສົບການຫລືປະສົບມາດ້ວຍຕົວເອງຄວາມເຊື່ອຄວາມເຂົ້າໃຈໃນການເບິ່ງແຍງເດັກນ້ອຍຫລາຍຢ່າງທີ່ໄດ້ຮັບການຖ່າຍທອດມານັ້ນກໍມີທັງເປັນເລື່ອງທີ່ດີແລະເຂົ້າໃຈຜິດກັນໄດ້ດັ່ງນັ້ນເຮົາຈະມາໃຫ້ຄວາມກະຈ່າງແຈ້ງກັບຄວາມເຊື່ອຕ່າງໆດັ່ງນີ້
ຄວາມເຊື່ອ: ດັດຂາຕັ້ງແຕ່ນ້ອຍຈະໄດ້ຂາບໍ່ໂຂງ ສຳລັບລັກສະນະຂາເດັກແຮກເກີດຈະເບິ່ງໂຂງໆຢູ່ແລ້ວຊຶ່ງພັດທະນາການຕາມໄວນັ້ນພໍໄລຍະ 2 ປີຂາໂຂງໆທີ່ເຫັນກໍຈະຊື່ເອງເຖິງບໍ່ດັດແລະກໍຊື່ເອງແລະພໍເລີຍ 2 -7ປີໄປຊື່ຫົວເຂົ່າກໍຈະເອນແລະແບະອອກຂ້າງນອກເລັກນ້ອຍແລະ7ປີເຖິງຈະກັບເຂົ້າທີ່ເກົ່າຄືເບິ່ງຊື່ຄືເກົ່າ
ດັ່ງນັ້ນເຖິງເຮົາບໍ່ດັດຫລືເຮັດຫຍັງຂາກໍຈະກັບມາຊື່ງາມຢູ່ແລ້ວຖ້າໄປດັດຂາໃຫ້ລູກກໍອາດຈະສົ່ງຜົນໄດ້ເຊັ່ນຖ້າເຖິງໄວທີ່ມັນຈະຊື່ມັນອາດຈະບໍ່ຊື່ຢ່າງທີ່ຄວນຈະຊື່ແຕ່ຖ້າຂາລູກຜິດປົກກະຕິຫລືເປັນພະຍາດບາງຢ່າງທີ່ເຮັດໃຫ້ຂາໂຂງຜິດປົກກະຕິ
ຄວາມເຊື່ອ: ເອົາຜ້າອ້ອມປຽກຍ່ຽວກວາດລິ້ນຈະໄດ້ບໍ່ເປັນຝ້າຂາວ ຍ່ຽວຄືຂອງເສຍຂອງຮ່າງກາຍທີ່ຂັບສານບາງຢ່າງທີ່ຮ່າງກາຍບໍ່ຕ້ອງການອອກມາຊຶ່ງຄົງບໍ່ເໝາະສົມທີ່ຈະເອົາມາແຕ້ມໃສ່ລິ້ນເດັກແຕ່ການເຮັດຄວາມສະອາດລິ້ນລູກນັ້ນໃຊ້ພຽງນ້ຳທຳມະດາຫລືນ້ຳຕົ້ມທີ່ປະໄວ້ໃຫ້ມັນເຢັນແລ້ວໃຊ້ຜ້າອ້ອມທີ່ສະອາດຫລືຜ້າສະອາດຊຸບນ້ຳກວາດລິ້ນກໍສະອາດແລ້ວສ່ວນລິ້ນຂອງເດັກທີ່ຈະເຫັນເປັນຝ້າ ສ່ວນໃຫຍ່ເກີດຈາກຄາບນົມທີ່ກິນທີ່ຈະມີຄາບຕົກຢູ່ຄືຄາບອາຫານຕິດຕາມລິ້ນກໍຈະເຈີໄດ້ເລື້ອຍຊຶ່ງການເຮັດຄວາມສະອາດໂດຍນ້ຳທຳມະດາກໍຈະອອກແລ້ວມັນກໍຈະມີບາງຄົນເປັນຝ້າຈາກເຊື້ອລາກໍຈະເຫັນເປັນຝ້າຂາວໆໄດ້ຄືກັນຖ້າເປັນຄາບອາຫານເດັກກໍຈະປົກກະຕິບໍ່ງໍແງແຕ່ຖ້າເປັນເຊື້ອລາເດັກຈະເຈັບ ຈະງໍແງເວລາທີ່ກິນນົມແລະເຊັດທຳຄວາມສະອາດກໍອາດຈະເຈັບ
ຄວາມເຊື່ອ: ໃຫ້ນອນຄວ່ຳຫົວງາມນອນໄດ້ດົນ ການນອນຄວ່ຳຕາມຫລັກວິຊາການບໍ່ແນະນຳເລີຍກໍອາດເຮັດໃຫ້ຫົວງາມແທ້ແຕ່ຈະພົບເຄດເດັກທີ່ນອນຄວ່ຳແລ້ວມີຢຸດຫາຍໃຈແລະເສຍຊີວິດໄດ້ຊຶ່ງເກີດໄດ້ຈາກຫລາຍສາເຫດທີ່ຈະເປັນໄດ້ເຊັ່ນພໍກິນສຳເລັດກໍໄປຈັບນອນຄວ່ຳມີສະໜັກນົມອອກມາແມ່ກໍຈະບໍ່ເຫັນໜ້າລູກກໍອາດໄດ້ຍິນສຽງຮ້ອງແລ້ວງຽບໄປໂດຍເຮົາບໍ່ທັນສັງເກດຄິດວ່າລູກນອນຫລັບກໍອາດຈະເກີດເຫດການບໍ່ຄາດຝັນຂຶ້ນມາໄດ້ຖ້າຢາກໃຫ້ເດັກນອນໄດ້ດົນຫົວງາມນຳກໍໃຊ້ເປັນນອນຕະແຄງເອົາຫລືນອນຫງາຍກໍຈະດີທີ່ສຸດ
ຄວາມເຊື່ອ: ບີບດັງເວລາອາບນ້ຳຈະໄດ້ດັງໂມ: ກະດູກບ່ອນດັງຂອງເຮົາເປັນກະດູກອ່ອນເພາະສະນັ້ນກະດູກອ່ອນຈະເຕີບໃຫຍ່ຂອງມັນເອງການໄປບີບໆດຶງໆບໍ່ໄດ້ຊ່ວຍໃຫ້ໃຫຍ່ຫລືໃຫຍ່ຂຶ້ນ ແຕ່ການທີ່ໄປບີບໆດຶງອາດເຮັດໃຫ້ເບິ່ງນູນຂຶ້ນເພາະພວກເນື້ອເຍື່ອອ່ອນໆບ່ອນດັງນູນຂຶ້ນມາຊົ່ວຄາວ ແຕ່ແລ້ວກໍຈະຍຸບລົງໄປຕາມແນວກະດູກທີ່ມັນມີ
ຄວາມເຊື່ອ: ແຖຜົມໄຟຜົມຈະໄດ້ດົກດຳ ແທ້ ໆແລ້ວ: ຜົມດົກຫລືບໍ່ດົກກໍຈະຢູ່ກັບພັນທຸກຳນຳສ່ວນຫນຶ່ງແຕ່ຖ້າເດັກແຖຜົມໄຟແຕ່ພັນທຸກຳຜົມບໍ່ດົກຜົມທີ່ຂຶ້ນໃໝ່ກໍບໍ່ໄດ້ດົກຂຶ້ນຈະປະລິມານເທົ່າເກົ່າພຽງແຕ່ຜົມທີ່ຂຶ້ນໃໝ່ຈະເບິ່ງແຂງກວ່າຜົມອ່ອນທີ່ຕິດມາຕັ້ງແຕ່ແຮກເກີດເຮັດໃຫ້ເບິ່ງຄືມັນໜາດົກຂຶ້ນແຕ່ໂດຍປົກກະຕິເຖິງບໍ່ແຖແຕ່ຜົມທີ່ຕິດມາຕັ້ງແຕ່ແຮກເກີດກໍຈະຜັດຫລຸດອອກໄປເອງແລະສ້າງຂຶ້ນໃໝ່ຢູ່ແລ້ວຊຶ່ງຈະຫລຸດປະມານ 2-3 ເດືອນ