ເມື່ອບໍ່ດົນມານີ້, ສານນະຄອນຫລວງວຽງຈັນ, ໄດ້ຕັດສີນ ລົງໂທດທ້າວ ສຸວັນ ທອງ(ປິ່ງ) ອາຍຸ 26 ປີ ຢູ່ບ້ານອຸດົມຜົນ ເມືອງ ໄຊທານີ ນະຄອນຫລວງ ວຽງຈັນ, ຈຳຄຸກເປັນເວລາ 6 ປີພ້ອມປັບໃໝ 28 ລ້ານກີບ ແລະ ທ້າວ ຜ່ອງສີ ອາຍຸ 24 ປີຢູ່ບ້ານໂນນສະອາດ ເມືອງໄຊທານີ ນະຄອນຫລວງວຽງຈັນ ຈຳຄຸກເປັນເວລາ 5 ປີ ພ້ອມປັບໃໝ 10 ລ້ານກີບໃນຂໍ້ຫາ ຄ້າຢາເສບຕິດ. ໂດຍທັງສອງຖືກ ເຈົ້າໜ້າ ທີ່ຈັບຕົວໄດ້ເມື່ອກາງປີ 2014 ໃນຂະນະມີການຊື້ຂາຍຢາບ້າໃຫ້ກັນຢູ່ຮ້ານຂາຍໂທ ລະສັບແຫ່ງໜຶ່ງເຂດເມືອງໄຊທານີພ້ອມຂອງກາງຢາບ້າຮ້ອຍກວ່າເມັດ. ເຈົ້າໜ້າທີ່ໃຫ້ຮູ້ວ່າ: ທັງສອງຄົນໄດ້ ຮ່ວມກັນເຄື່ອນ ໄຫວຄ້າຂາຍຢາເສບຕິດໃຫ້ກັບຊາວໜຸ່ມໃນເຂດ ເມືອງໄຊທານີເປັນເວລາດົນຈຶ່ງໄດ້ຈັບຕົວມາດຳເນີນຄະດີຕາມລະ ບຽບກົດ ໝາຍ.
ຂ່າວໃຫ້ຮູ້ຕື່ມວ່າ: ເມື່ອບໍ່ດົນ ມານີ້, ຢູ່ນະຄອນຫລວງວຽງຈັນ, ແຂວງຈຳປາສັກ ແລະ ຊຽງ ຂວາງ, ໄດ້ມີການປະ ກາດອະໄພຍະໂທດ, ຜ່ອນ ແລະ ປ່ອຍຕົວນັກ ໂທດຜູ້ທີ່ມີຄວາມກ້າວໜ້າ ແລະ ປະ ຕິບັດລະບຽບຢູ່ຄ້າຍຄຸມຂັງດີຈຳນວນ
200 ຄົນ, ໃນນັ້ນ, ຢູ່ນະຄອນ ຫລວງວຽງຈັນມີ 47 ຄົນ, ຍິງ 24 ຄົນ,ໄ ດ້ຮັບຜ່ອນໂທດ 28 ຄົນ, ຍິງ 17 ຄົນ, ໄດ້ຮັບ ການປ່ອຍຕົວ 19 ຄົນ, ຍິງ 7 ຄົນ. ແຂວງຈຳປາສັກມີ 141 ຄົນ, ຍິງ 14 ຄົນ, ໄດ້ຮັບ ຜ່ອນໂທດ 109 ຄົນ, ຍິງ 10 ຄົນ, ໄດ້ຮັບການປ່ອຍຕົວ 32 ຄົນ, ຍິງ 4 ຄົນ ແລະ ແຂວງຊຽງຂວາງ ໄດ້ຜ່ອນໂທດ 7 ຄົນ, ຍິງ 1 ຄົນ, ເຊິ່ງການໃຫ້ອະໄພຍະ ໂທດດັ່ງກ່າວແມ່ນປະຕິບັດຕາມລັດຖະດຳລັດ ຂອງປະທານປະເທດວ່າດ້ວຍການອະໄພຍະໂທດໃຫ້ນັກໂທດທີ່ມີ ຄວາມກ້າວໜ້າໃນທົ່ວປະເທດ, ເນື່ອງໃນໂອກາດວັນຊາດທີ 2 ທັນ ວາຄົບຮອບ 39 ປີ(2 ທັນວາ 1975 – 2 ທັນວາ 2014.
ແຫລ່ງຂ່າວ: ລາວພັດທະນາ