ອາສ ສື່ຂອງສະເປນຕີຂ່າວຟີຟ່າ ໄດ້ມີການກວດສອບ ເຣອັລ ມາດຣິດ ຕໍ່ກໍລະນີທີ່ພວກເຂົາອາດເຮັດຜິດກົດ ໃນການເຊັນສັນສາກັບນັກເຕະເຍົາວະຊົນ 2 ລາຍໂດຍຖ້າຫາກວ່າຖືກຕັດສິນວ່າມີຄວາມຜິດແທ້ “ຣາຊັນຊຸດຂາວ” ກໍ່ຈະຖືກລົງໂທດຫ້າມຊື້ນັກເຕະ ແບບດຽວກັບ ບາຣ໌ເຊໂລນ່າ ໄດ້ເລີຍ.
ເຣອັລ ມາດຣິດ ສະໂມສອນຍັກໃຫຍ່ແຫ່ງວົງການ ລາ ລີກາສະເປນ ອາດຖືກລົງໂທດຫ້າມມີການຊື້ນັກເຕະແບບດຽວກັບບາຣ໌ເຊໂລນ່າ ຄູ່ຮ່ວມລີກ ຫຼັງຈາກທີ່ທາງສະຫະພັນບານເຕະນາໆຊາດ (ຟີຟ່າ) ເປີດສາກສອບສວນກໍລະນີທີ່ພວກເຂົາ ອາດຈະທໍາຜິດກົດໃນການຄວ້ານັກເຕະເຍົາວະຊົນມາຮ່ວມທັບ ຕາມລາຍງານຂອງ ອາສ ສື່ຊື່ດັງຂອງແດນກະທິງດຸ.
ລາຍງານລະບຸວ່າສອບສວນໃນຄັ້ງນີ້ ເນັ້ນເປົ້າໝາຍໄປຍັງນັກເຕະ ມານູເອລ ໂກດອຍ ກັບ ເຟຣ໌ນານໂດ ມາຊິອາສ 2 ນັກເຕະ ທີ່ມາດຣິດຄວ້າໂຕມາຈາກ ເວເນຊຸເອລາ ໃນຕອນທີ່ທັງສອງມີອາຍຸ 12ປີ ໂດຍມີຊ່ວງໜຶ່ງທີ່ທັງ 2 ກໍາລັງອອກໄປທົດສອບສີຕີນກັບວັນດາທີມໃຫຍ່ ແຕ່ກ່ອນທີ່ພວກເຂົາກໍາລັງຈະກັບໄປ ຣິເວີຣ໌ ເພຣທ ກັບ ເອຊີມິລານ ນັ້ນ “ຣາຊັນຊຸດຂາວ” ໂຜ່ມາຄວ້າທັງຄູ່ໄປຄອງໄດ້ຜ່ານທາງການຊ່ວຍເຫຼືອຂອງຄົນກາງທີ່ມີໂຮງຮຽນສອນຫຼິ້ນເຕະບານ ຢູ່ໃນກຸງ ມດຣິດ.
ທັງນີ ໂກດອຍ ເຊັນສັນຍາກັບຍອດທີມຖິ່ນ ຊານຕິໂກ້ເບຣ໌ນາເບວ ໃນປີ 2012 ສ່ວນມາຊິອາສ ເຊັນສັນຍາກັບ ມາດຣິດໃນປີ 2013 ຊຶ່ງເປັນຕອນທີ່ລາວມີອາຍຸ14ປີ ໂດຍປັດຈຸບັນຢູ່ກັບທີມເຍົາວະຊົນຂອງ ຣາໂຍ ບາເຍກາໂນ່ ຊຶ່ງຍອດທີມຂອງ ສະເປນ ມີເວລາ 1 ເດືອນທີ່ຈະສົ່ງເອກະສານທີ່ສໍາຄັນໃຫ້ກັບຟີຟ່າ ແລະ ອະທິບາຍວ່າພວກເຂົາບໍ່ໄດ້ຜິດກົດຂໍ້ 14 ຂອງອົງກອນລູກໜັງໂລກ.
ສໍາລັບກົດຂໍ້ດັ່ງກ່າວ ລະບຸເອົາໄວ້ວ່າທີມຕ່າງໆ ໃນທະວີບຢູໂຣບຂະເຊັນສັນຍາກັບນັກເຕະອາຍຸບໍ່ເກີນ 18 ປີທີ່ຢູ່ໃນທະວີບອຶ່ນໄດ້ກໍ່ຕໍ່ເມື່ອຜູ້ປົກຄອງຂອງນັກເຕະນັ້ນຍ້າຍໄປຢູ່ໃນປະເທດດຽວກັບສະໂມສອນນັ້ນ ໂດຍທີ່ບໍ່ມີເຫດຜົນທາງດ້ານການເຕະບານມາກ່ຽວຂ້ອງຫຍັງທັງນັ້ນ.
>>ຂອບໃຈhttp://www.siamsport.co.th/football/laliga/view.php?code=150127044913