ສາວບຣາຊິນ ເປີດເອິກຮວມກຸ່ມປະທ້ວງ ຮຽກຮ້ອງລັດຖະບານ ອະນຸຍາດໃຫ້ເປືອຍເອິກອາບແດດເທິງຊາຍຫາດ ເນື່ອງຈາກກົດໝາຍບຣາຊິນເກືອດຫ້າມ.
ສຳນັກຂ່າວຕ່າງປະເທດ ລາຍງານໃນວັນທີ 22 ມັງກອນນີ້ວ່າ ບັນດາຍິງສາວຊາວບຣາຊິນ ຜູ້ທີ່ນິຍົມການເປືອຍເອິກອາບແດດ ໄດ້ຮ່ວມກັນເປີດໜ້າເອິກປະທ້ວງ ເພື່ອຮຽກຮ້ອງຂໍໃຫ້ລັດຖະບານບຣາຊິນ ປ່ຽນແປງກົດໝາຍ ເພື່ອອະນຸຍາດໃຫ້ມີການເປືອຍເອິກອາບແດດ ເທິງຊາຍຫາດໄດ້ຢ່າງຖືກຕ້ອງ.
ແມ່ຍິງຊາວບຣາຊິນກຸ່ມດັ່ງກ່າວ ໄດ້ພາກັນຮວມກຸ່ມປະທ້ວງ ເມື່ອວັນທີ 20 ມັງກອນຜ່ານມາ ເທິງຊາຍຫາດອິປານີມາ ໃນເມືອງ ຣິໂອ ເດິ ຈາເນໂຣ ເຊິ່ງແຕ່ລະຄົນຕ່າງກໍປະກົດຕົວໃນຊຸດໂສ້ງຂາສັ້ນ ຫລື ບິກິນນີ້ ແຕ່ສ່ວນເທິງແມ່ນບໍ່ສວມໃສ່ຫຍັງປົກປິດໄວ້ເລີຍ ເປືອຍໜ້າເອິກຮ່ວມກັນຢູ່ເທິງຊາຍຫາດ ເພື່ອຮຽກຮ້ອງໃຫ້ທາງການປັບປ່ຽນກົດໝາຍ ຈາກທີ່ຖືວ່າການເປືອຍເອິກເທິງຊາຍຫາດ ເປັນເລື່ອງບໍ່ເໝາະສົມ ໃຫ້ກາຍເປັນເລື່ອງທີ່ຍອມຮັບກັນໄດ້ ເຊັ່ນດຽວກັນກັບຢູ່ໃນປະເທດສະຫະລັດອາເມຣິກາ ທີ່ຜູ້ຍິງສາມາດເປືອຍເອິກໄດ້ແລ້ວໂດຍບໍ່ຜິດກົດໝາຍ.
