spot_img
Homeຂ່າວຕ່າງປະເທດຈີນ​ປົດ​ເລ​ຂາ​ພັກ - ຫົວ​ໜ້າ​ເທດ​ສະ​ບານ​ຫວງ​ຜູ່! ເລິ່ນ​ເລີ້​ປະ​ຕິ​ບັດ​ໜ້າ​ທີ່ ເຫດ​ຢຽບ​ກັນ​ຕາຍ ມື້​ສົ່ງ​ທ້າຍ​ປີ​ເກົ່າ!

ຈີນ​ປົດ​ເລ​ຂາ​ພັກ – ຫົວ​ໜ້າ​ເທດ​ສະ​ບານ​ຫວງ​ຜູ່! ເລິ່ນ​ເລີ້​ປະ​ຕິ​ບັດ​ໜ້າ​ທີ່ ເຫດ​ຢຽບ​ກັນ​ຕາຍ ມື້​ສົ່ງ​ທ້າຍ​ປີ​ເກົ່າ!

Published on

558000000819201
ພາບ​ມວນ​ຊົນ​ເຂົ້າ​ມາ​ສະ​ຫລອງ​ປີ​ໃໝ່ ຢູ່​ຈະ​ຕຸ​ຫລັດ​ເສິນ​ອີ້ ເຂດ​ໄວ່​ທັນ ເທດ​ສະ​ບານ​ຫວງ​ຜູ່ ນະ​ຄອນ​ຊຽງ​ໄຮ້ ເປັນ​ເຫດ​ຢຽບ​ກັນ​ຕາຍ 36 ຄົນ ໃນ​ມື້​ວັນ​ທີ 31 ທັນ​ວາ 2014

 

ຄະ​ນະ​ກຳ​ມະ​ການ​ສອບ​ສວນ ສະ​ເໜີ​ປົດ​ເລ​ຂາ​ຄະ​ນະ​​ພັກ​ເທດ​ສະ​ບານ ແລະ ຫົວ​ໜ້າ​ເທດ​ສະ​ບານ​ຫວງ​ຜູ່ ນະ​ຄອນ​ຊຽງ​ໄຮ້ ຈາກ​​​ການເລິ່ນ​ເລີ້ຄວາມ​ປອດ​ໄພ ໃນ​ເທດ​ສະ​ການ​ສະ​ຫລອງ​ປີ​ໃໝ່​ສາ​ກົນ ຈົນ​ພາ​ໃຫ້​ມີ​ເຫດ​ຢຽບ​ກັນ​ຕາຍ​ເກີດ​ຂຶ້ນ ເມື່ອ​ທ້າຍ​ປີ 2014 ຜ່ານ​ມາ.

ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ໃນ​ວັນ​ທີ 22 ມັງ​ກອນ​ນີ້​ວ່າ ທາງ​ກາ​ນຈີນ ໄດ້​ຈັດ​ຕັ້ງ​ຄະ​ນະ​ກຳ​ມະ​ການ​ເພື່ອ​ສອບ​ສວນ ກໍ​ລະ​ນີ​ເກີດ​ເຫດ​ຢຽບ​ກັນ​ຕາຍ​ທີ່​ເຂດ​ໄວ່​ທັນ ເທດ​ສະ​ບານ​ຫວງ​ຜູ່ ນະ​ຄອນ​ຊຽງ​ໄຮ້ ​ໃນ​ມື້​ວັນ​ທີ 31 ທັນ​ວາ 2014 ຍ້ອນ​ປະ​ຊາ​ຊົນ​ແຫ່​ແຫນ​ກັນ​ມາ​ສະ​ຫລອງ​ສົ່ງ​ທ້າຍ​ປີ​ເກົ່າ ຕ້ອນ​ຮັບ​ປີ​ໃໝ່ຢູ່​ຈະ​ຕຸ​ຫລັດເສິນອີ້ ນັບ​ແສນ​ກ່​ວາ​ຄົນ ຈົນ​ເກີດ​ເຫດ​ວຸ້ນ​ວາຍ ແລະ ຢຽບ​ກັນ​ເສຍ​ຊີ​ວິດ 36 ຄົນ ແລະ ບາດ​ເຈັບ​ອີກ 46 ຄົນ.  ຜ່ານຜົນ​ຂອງ​ການ​ສອບ​ສວນ​ ແມ່ນໄດ້​ລະ​ບຸ 5 ສາ​ເຫດ​ທີ່​ພາ​ໃຫ້​ເຫດ​ການ​ດັ່ງ​ກ່າວ​ເກີດ​ຂຶ້ນ​ຄື: 1) ຂາດ​ການ​ຕິດ​ຕາມ​ສະ​ຖາ​ນະ​ການ ແລະ ປະ​ເມີນ​ທ່າ​ອ່ຽງ​ຄວາມ​ສ່ຽງ​ດ້ານ​ຄວາມ​ປອດ​ໄພ, 2) ຂາດ​ການ​ລາຍ​ງານ​ຄວາມ​ຄືບ​ໜ້າ​ຂອງ​ສະ​ຖາ​ນະ​ການ, 3) ຂາດ​ການ​ຈັດ​ມາດ​ຕະ​ການ​ປ້ອງ​ກັນ​ເຫດ​ຮ້າຍ, 4) ບໍ່​ມີ​ການ​ຕິດ​ຕາມ ແລະ ພິ​ຈາ​ລະ​ນາ​ຈຳ​ນວນ​ຄົນ​ເຂົ້າ​ຮ່ວມ ຫລາຍ​ເກີນ​ຄວາມ​ສາ​ມາດ​ໃນ​ການ​ຄວບ​ຄຸມ ແລະ ອີກ​ທັງ​ຍັງ​ບໍ່​ມີ​ການ​ປະ​ກາດ​ແຈ້ງ​ເຕືອນ​ໃດໆ, 5) ການ​ກະ​ກຽມ​ມາດ​ຕະ​ການ ແລະ ການ​ປະ​ສານ​ງານ​ກັບ​ພາກ​ສ່ວນ​ກ່ຽວ​ຂ້ອງ ເພື່ອ​ກຽມ​ພ້ອມ​ຮັບ​ມື​ກັບ​ສະ​ຖາ​ນະ​ການ​ສຸກ​ເສີນ​ບໍ່​ພຽງ​ພໍ.

​ຈາກ​ການ​ສອບ​ສວນ​ດັ່ງ​ກ່າວ​ນັ້ນ, ທາງຄະ​ນະ​ກຳ​ມະ​ການ​ສອບ​ສວນ ໄດ້​ມີ​ມະ​ຕິ​ເຫັນ​ດີ​ສະ​ເໜີ​ປົດ​ຕຳ​ແໜ່ງ ການ​ນຳ​ລະ​ດັບ​ສູງ​ສຸດຂອງ​ເທດ​ສະ​ບານ​ຫວງ​ຜູ່ ໄດ້​ແກ່ ທ່ານ ໂຈວ ເຫວີ່ຍ ເລ​ຂາ​ຄະ​ນະ​ພັກ​ເທດ​ສະ​ບານ, ທ່ານ ເຜິງ ຊົງ ຮອງ​ເລ​ຂາ​ຄະ​ນະ​ພັກ ແລະ ທັງ​ເປັນ​ຫົວ​ໜ້າ​ເທດ​ສະ​ບານ​, ທ່ານ ໂຈວ ເຈີ້ງ ຮອງ​ຫົວ​ໜ້າ​ເທດ​ສະ​ບານ, ທ່ານ ເສິນ ສີ ຜູ້​ບັນ​ຊາ​ການ​ສຳ​ນັກ​ງານ​ປ້ອງ​ກັນ​ຄວາມ​ສະ​ຫງົບ​ຂອງ​ເທດ​ສະ​ບານ​ຫວງ​ຜູ່ ແລະ ໂຍກ​ຍ້າຍ​ເຈົ້າ​ໜ້າ​ທີ່​ລະ​ດັບ​ສູງ​ອື່ນໆ​ອີກ ລວມ​ທັງ​ໝົດ 11 ຄົນ.

ໃນ​ຖະ​ແຫລງ​ການ​ຂອງ​ຄະ​ນະ​ກຳ​ມະ​ການ​ສອບ​ສວນ ໄດ້​ລະ​ບຸ​ຄວາມ​ຜິດ​ຂອງ​ການ​ນຳ​ສູງ​ສຸດ​ເທດ​ສະ​ບານ​ຫວງ​ຜູ່ ຈາກ​ຄວາມ​ເລິ່ນ​ເລີ້​ໃນ​ການ​ບັງ​ຄັບ​ໃຊ້​ກົດ​ໝາຍ ວ່າ​ດ້ວຍ​ການ​ສະ​ກັດ​ກັ້ນ​ສະ​ຖາ​ນະ​ການ​ສຸກ​ເສີນ ແລະ​ ບໍ່​ເອົາ​ໃຈ​ໃສ່​ຢ່າງ​ເຄັ່ງ​ຄັດ ໃນ​ການ​ປະ​ຕິ​ບັດ​ຂໍ້​ບັງ​ຄັບ​ວ່າ​ດ້ວຍ​ການ​ຈັດ​ຕັ້ງ​ກອງ​ກຳ​ລັງ​ປ້ອງ​ກັນ​ຄວາມ​ສະ​ຫງົບ ຕະ​ຫລອດ 24 ຊົ່ວ​ໂມງ, ບໍ່​ມີ​ການ​ປະ​ເມີນ ແລະ ແກ້​ໄຂ​ສະ​ຖາ​ນະ​ການ​ຢ່າງ​ທັນ​ການ.  ນອກ​ຈາກ​ນີ້, ໃນ​ຄືນ​ມື້​ເກີດ​ເຫດ ບັນ​ດາ​ກຸ່ມ​ການ​ນຳ​ດັ່ງ​ກ່າວ ຍັງ​ໄດ້​ນຳ​ໃຊ້​ເງິນ​ງົບ​ປະ​ມານ​ຂອງ​ລັດ ດື່ມ​ກິນ​ອາ​ຫານ​ລາ​ຄາ​ແພງ ອັນ​ສົ່ງ​ຜົນ​ກະ​ທົບ​ຕໍ່​ທາງ​ສັງ​ຄົມ​ຢ່າງ​ຮ້າຍ​ແຮງ​.

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...