ທ່ານ ອານຸສອນ ຈັນທະວິສິດ, ຫົວຫນ້າຂະແຫນງຄຸ້ມຄອງທາງບົກ – ທາງນ້ຳ ພະແນກໂຍທາທິການ ແລະ ຂົນສົ່ງ ແຂວງຫລວງນ້ຳທາໃຫ້ຮູ້ໃນວັນທີ
4 ກຸມພາ 2013 ຜ່ານມາວ່າ: ການກໍ່ສ້າງເສັ້ນທາງ 4 ເລນ ແຕ່ສາມແຍກ ປກສ ຫາສາມແຍກສະຫນາມບິນ ແຂວງຫລວງນ້ຳທາ ເຊິ່ງສຳເລັດແລ້ວ 80%
ຂອງຫນ້າວຽກທັງຫມົດ, ຫນ້າທາງຂະຫຍາຍອອກເບື້ອງລະ 3,5 ແມັດ, ຍົກລະດັບຫນ້າທາງ ແລະ ປູຢາງ 2 ຊັ້ນ,ເສັ້ນທາງມີຄວາມຍາວ 5.500 ແມັດ, ມູນ
ຄ່າການກໍ່ສ້າງທັງຫມົດ 59 ຕື້ກີບ, ໂດຍແມ່ນງົບປະມານຂອງລັດຖະບານ 100% ທາງບໍລິສັດຈະເລີນກໍ່ສ້າງຈຳກັດເປັນຜູ້ຮັບເຫມົາ ແລະ ນຳໃຊ້ທຶນຂອງບໍ
ລິສັດກ່ອນ ເຊິ່ງໄດ້ເລີ່ມລົງມືການກໍ່ສ້າງມາແຕ່ວັນທີ 22 ເມສາ 2011 ການກໍ່ສ້າງເສັ້ນທາງຕາມສັນຍາ 2 ປີ ຄາດວ່າການກໍ່ສ້າງຈະໃຫ້ສຳເລັດກ່ອນເດືອນ
ເມສາ 2013 ທີ່ຈະມາເຖິງນີ້. ທ່ານຍັງກ່າວຕື່ມວ່າ: ເສັ້ນທາງທີ່ມີນ້ຳອັ່ງຢູ່ບາງບ່ອນແມ່ນຈະສືບຕໍ່ການສ້ອມແປງຄືນໃຫມ່ ແລະ ໄດ້ຮຽກຮ້ອງໃຫ້ຜູ້ທີ່ໃຊ້ລົດໃຊ້
ຖະຫນົນ ຈົ່ງມີຄວາມລະມັດລະວັງຕໍ່ການສັນຈອນໄປມາ ໃຫ້ມີສະຕິເປັນເຈົ້າການຮ່ວມກັນເພາະເສັ້ນທາງຍັງດຳເນີນການກໍ່ສ້າງຖ້າສຳເລັດແລ້ວ ຈະເຮັດໃຫ້ມີ
ຄວາມສະດວກໃນການສັນຈອນໄປມາຕື່ມອີກ.