ສຳນັກຂ່າວຕ່າງປະເທດ ລາຍງານໃນວັນທີ 20 ມັງກອນນີ້ວ່າ ເກີດເຫດໄຟຈະລາຈອນດັບກະທັນຫັນ ໃນຕອນເຊົ້າຂອງມື້ວັນຈັນທີ 19 ມັງກອນຜ່ານມາ ເຮັດໃຫ້ຜູ້ທີ່ສັນຈອນໄປມານັບໝື່ນຄົນ ຕ້ອງຕິດຢູ່ໃນບໍລິເວນສື່ແຍກ Thu Duc ໃນກາງນະຄອນໂຮ່ຈິມິນ ໂດຍການຈະລາຈອນໄດ້ຕິດຂັດແກ່ຍາວເກືອບ 2 ຊົ່ວໂມງ ຄືນັບຕັ້ງແຕ່ເວລາ 7 ໂມງ ເຖິງ 9 ໂມງເຊົ້າ ຈິ່ງສາມາດລະບາຍຍອດຍານພາຫະນະຕ່າງໆ ຈົນສາມາດເຄື່ອນໄຫວໄດ້ ໂດຍມີເຈົ້າໜ້າທີ່ຕຳຫລວດຈະລາຈອນກ່ວາ 10 ຄົນ ກັບຊ່າງໄຟຟ້າອີກຈຳນວນໜຶ່ງ ລົງໄປກວດກາ ແລະ ສ້ອມແປງໄຟສັນຍານຈະລາຈອນ ຈົນສາມາດກັບຄືນມາໃຊ້ໄດ້ອີກຄັ້ງໜຶ່ງ.
