ພິທີເປີດຊຸດຝຶກອົບຮົມກົດໝາຍໄລຍະສັ້ນ 45 ວັນ ໃຫ້ແກ່ພະນັກງານການນຳຫຼັກແຫຼ່ງຂັ້ນນະຄອນຫຼວງວຽງຈັນ ຈຳນວນ 68
ທ່ານ ໄດ້ມີຂຶ້ນວັນທີ 7 ກຸມພາ 2013 ທີ່ຫ້ອງວ່າການປົກຄອງນະຄອນຫຼວງ ໃຫ້ກຽດເຂົ້າຮ່ວມພິທີເປີດມີທ່ານ ສຈ.ດຣ. ຈະເລີນ
ເຢຍປາວເຮີ ລັດຖະມົນຕີວ່າການ ກະຊວງຍຸຕິທຳ ແລະ ທ່ານ ສົມວັນດີ ນາຖາວົງ ຮອງເຈົ້າຄອງນະຄອນຫຼວງວຽງຈັນ.
ຊຸດອົບຮົມຄັ້ງນີ້ ຜູ້ເຂົ້າຮ່ວມຈະໄດ້ພ້ອມກັນຮໍ່າຮຽນຫຼາຍເອກະສານກ່ຽວກັບກົດໝາຍ ເປັນຕົ້ນ ເອກະສານທິດສະດີລັດ ແລະ ກົດ
ໝາຍ ລັດຖະທຳມະນູນ ກົດໝາຍປົກຄອງ ກົດໝາຍສານປະຊາຊົນ ກົດໝາຍອົງການໄອຍະການປະຊາຊົນ ກົດໝາຍສັນຊາດລາວ
ກົດໝາຍທະບຽນສານ ກົດໝາຍແພ່ງ ກົດໝາຍກຳມະສິດ ກົດໝາຍສືບທອດມູນມໍລະດົກ ກົດໝາຍຂໍ້ຜູກພັນໃນສັນຍາ ແລະ ນອກ
ສັນຍາ ກົດໝາຍຄ້ຳປະກັນ ການປະຕິບັດສັນຍາ ກົດໝາຍຄອບຄົວ ແລະ ລະບຽນຄອບຄົວ ກົດໝາຍງົບປະມານແຫ່ງລັດ ກົດ
ໝາຍດຳເນີນຄະດີແພ່ງ ກົດໝາຍສິ່ງແວດລ້ອມ ກົດໝາຍແຮ່ທາດ ກົດໝາຍທີ່ດິນ ກົດໝາຍປ່າໄມ້ ກົດໝາຍແຮງງານ ກົດໝາຍ
ອາຍາ ກົດໝາຍດຳເນີນຄະດີອາຍາ ກົດໝາຍການຈັດຕັ້ງປະຕິບັດຄຳຕັດສິນຂອງສານ ແລະ ກົດໝາຍສົ່ງເສີມການລົງທຶນ.
ຈຸດປະສົງການຝຶກອົບຮົມໃນຄັ້ງນີ້ ແມ່ນເພື່ອປັບປຸງ ແລະ ຍົກລະດັບຄວາມຮູ້ກົດໝາຍທີ່ຖືກຕ້ອງ ໃຫ້ແກ່ຜູ້ເຂົ້າຮ່ວມຢ່າງເປັນລະ
ບົບໂດຍພື້ນຖານ ພ້ອມກັນນັ້ນ ກໍໃຫ້ສູ້ຊົນແກ້ໄຂຄວາມຮັບຮູ້ເຂົ້າໃຈກົດໝາຍທີ່ຍັງບໍ່ທັນຖືກຕ້ອງ ປັບປຸງ ແລະ ສ້າງແນວຄິດເຄົາ
ລົບລະບຽບກົດໝາຍ ຖືເອົາກົດໝາຍເປັນເຄື່ອງມື ກໍຄືເປັນບ່ອນອີງໃນການປະຕິບັດໜ້າທີ່ວຽກງານ ແກ້ໄຂແນວຄິດຖືເບົາຕໍ່ລະບຽບ
ກົດໝາຍ ຕ້ານປະກົດການລ່ວງລະເມີດລະບຽບກົດໝາຍ.