spot_img
HomeມູມໄອທີລາວBIDV ມອບຄອມພິວເຕີໃຫ້ກະຊວງວິທະຍາສາດ ແລະ ເຕັກໂນໂລຊີ

BIDV ມອບຄອມພິວເຕີໃຫ້ກະຊວງວິທະຍາສາດ ແລະ ເຕັກໂນໂລຊີ

Published on

ดาวน์โหลด (5)
ທ້າຍເດືອນມັງກອນຜ່ານມານີ້ ຢູ່ທີ່ກະຊວງວິທະຍາສາດ ແລະ ເຕັກໂນໂລຊີ ນະຄອນຫຼວງວຽງຈັນ ຄະນະນຳທະນາຄານລົງທຶນ
ແລະ ພັດທະນາຫວຽດນາມ ນຳໂດຍທ່ານ ເຈິ່ນ ບັກ ຮ່າ (Mr Tran Bac Ha) ປະທານສະພາບໍລິຫານທະນາຄານລົງທຶນ
ແລະ ພັດທະນາຫວຽດນາມ (BIDV) ທັງເປັນປະທານສະມາຄົມນັກລົງທຶນຫວຽດນາມຢູ່ ສປປ ລາວ (AVIL) ພ້ອມດ້ວຍຄະນະ
ໄດ້ມາຢ້ຽມຢາມ ແລະ ພົບປະທ່ານ ສຈ.ດຣ. ບໍ່ວຽງຄຳ ວົງດາລາ ລັດຖະມົນຕີວ່າການກະຊວງວິທະຍາສາດ ແລະ ເຕັກໂນໂລຊີ
ເຊິ່ງການຢ້ຽມຢາມຄັ້ງນີ້ ເພື່ອສະແດງຄວາມຂອບໃຈ ແລະ ອວຍພອນປີໃໝ່ 2013 ມາຍັງຄະນະນຳພັກ ແລະ ລັດຖະບານລາວ
ທີ່ໄດ້ໃຫ້ການເອົາໃຈໃສ່ຊ່ວຍເຫຼືອ ການເຄື່ອນໄຫວຂອງທະນາຄານລົງທຶນ ແລະ ພັດທະນາຫວຽດນາມຢູ່ ສປປ ລາວ ແລະ ບັນ
ດາຫົວໜ່ວຍທຸລະກິດຕາງໜ້າຂອງທະນາຄານລົງທຶນ ແລະ ພັດທະນາຫວຽດນາມທີ່ເຄື່ອນໄຫວຢູ່ ສປປ ລາວ.
ການມາຢ້ຽມຢາມຄັ້ງນີ້ ທະນາຄານລົງທຶນ ແລະ ພັດທະນາຫວຽດນາມ ໄດ້ມອບເຄື່ອງອຸປະຖຳເປັນຄອມພິວເຕີ ຈຳນວນ 50
ເຄື່ອງ ມູນຄ່າ 220.000.000 ກີບ ໃຫ້ກະຊວງວິທະຍາສາດ ແລະ ເຕັກໂນໂລຊີ ກ່າວຮັບໂດຍທ່ານ ສຈ.ດຣ. ບໍ່ວຽງຄຳ ວົງດາ
ລາ ລັດຖະມົນຕີວ່າການ ກະຊວງວິທະຍາສາດ ແລະ ເຕັກໂນໂລຊີ ເຊິ່ງເປັນເຄື່ອງຊ່ວຍເຫຼືອລ້າ ເພື່ອປະກອບສ່ວນເຂົ້າໃນການ
ປະຕິບັດໜ້າທີ່ວຽກງານຂອງກະຊວງ ໃຫ້ມີຄວາມສະດວກວ່ອງໄວ ແລະ ປະສິດທິຜົນສູງ ເຄື່ອງອຸປະຖຳດັ່ງກ່າວໄດ້ນຳໄປມອບຕົວ
ຈິງ ໃນວັນທີ 5 ກຸມພາ 2013 ຢູ່ທີ່ກະຊວງວິທະຍາສາດ ແລະ ເຕັກໂນໂລຊີ.
ເນື່ອງໃນໂອກາດດັ່ງກ່າວ ທ່ານ ສຈ.ດຣ. ບໍ່ວຽງຄຳ ວົງດາລາ ລັດຖະມົນຕີວ່າການ ກະຊວງວິທະຍາສາດ ແລະ ເຕັກໂນໂລຊີ
ໄດ້ສະແດງຄວາມຂອບໃຈເປັນຢ່າງສູງ ມາຍັງທະນາຄານລົງທຶນ ແລະ ພັດທະນາຫວຽດນາມ ທະນາຄານຮ່ວມທຸລະກິດ ລາວ-
ຫວຽດ ແລະ ບັນດາຫົວໜ່ວຍທຸລະກິດອື່ນໆຂອງຫວຽດນາມ ທີ່ໄດ້ປະກອບສ່ວນຊ່ວຍເຫຼືອ ແລະ ພັດທະນາວຽກງານສັງຄົມຢູ່
ສປປ ລາວ ໃນຕະຫຼອດໄລຍະຜ່ານມາ.

ທີ່ມາ  http://www.vientianemai.net/teen/khao/1/8620

 

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...