ທ່ານ ດຣ. ພັນຄຳ ວິພາວັນ ກຳມະການກົມການເມືອງ ສູນກາງພັກ, ລັດຖະມົນຕີວ່າການ ກະຊວງ ສຶກສາທິການ ແລະ ກີລາ (ສສກ) ຕາງໜ້າ ລັດຖະບານປະດັບຫລຽນ ໄຊແຮງງານຊັ້ນ I ໃຫ້ກັບ ທ່ານ ດຣ. ທອງລຸນ ສີສຸລິດ ກຳມະການ ກົມການ ເມືອງສູນກາງພັກ, ຮອງນາຍົກ ລັດຖະ ມົນຕີ, ລັດຖະມົນຕີວ່າການກະຊວງການ ຕ່າງປະເທດ, ທັງເປັນອະດີດ ປະທານສະພາ ມະຫາວິ ທະຍາໄລ ແຫ່ງຊາດ ແລະ ທ່ານ ສຈ.ດຣ ສົມກົດ ມັງໜໍ່ເມກ ອະດີດອະທິການ ບໍດີມະຫາວິທະຍາ ໄລ ແຫ່ງ ຊາດ ຄະນະບໍລິຫານງານສູນກາງພັກ, ເລຂາພັກແຂວງ, ເຈົ້າແຂວງໆ ຊຽງຂວາງ ເຊິ່ງມີຜົນງານ ດີເດັ່ນ ໃນການ ປະກອບສ່ວນ ດ້ານສະຕິປັນຍາ ແລະ ເຫື່ອແຮງ ໃນການ ສ້າງສາ ພັດທະນາ ມະຫາ ວິທະຍາໄລແຫ່ງຊາດໃນໄລຍະ 15 ປີຜ່ານມາ.
ພິທີປະດັບຫລຽນດັ່ງກ່າວ ໄດ້ຈັດຂຶ້ນ ໃນຕອນ ເຊົ້າ ວັນທີ 6 ກຸມພາ 2013 ທີ່ຄະນະເສດ ຖະສາດ-ບໍລິຫານທຸລະກິດ ມະຫາວິທະ ຍາໄລ ແຫ່ງຊາດ ໂດຍໃຫ້ກຽດ ເຂົ້າຮ່ວມ ແລະ ປະດັບ ຫລຽນໄຊ ແຮງງານ ຊັ້ນ I ຂອງທ່ານ ດຣ. ພັນຄຳ ວິພາວັນ ກຳມະການ ກົມການ ເມືອງ ສູນກາງພັກ, ລັດຖະມົນຕີ ວ່າການ ກະຊວງ ສຶກສາທິການ ແລະ ກີລາ, ມີທ່ານ ສຈ.ດຣ ສຸກກົງ ແສງ ໄຊຍະເລີດ ອະທິການບໍດີ ມະຫາ ວິທະຍາໄລແຫ່ງຊາດ, ບັນດາຫົວໜ້າ ຫ້ອງ ການ ອ້ອມຂ້າງກະຊວງ, ຄູອາຈານ ແລະ ຕາງ ໜ້ານັກສຶກສາ ມ.ຊ ເຂົ້າຮ່ວມຢ່າງພ້ອມພຽງ.
ພາຍຫລັງ ສຳເລັດພິທີດັ່ງກ່າວແລ້ວ ບັນດາຄູ ອາຈານ, ພະນັກງານ ແລະ ນັກສຶກສາ ໃນ ມະຫາ ວິທະຍາໄລ ແຫ່ງ ຊາດ ຍັງໄດ້ຮັບຟັງການໂອ້ລົມ ກ່ຽວກັບຜົນສຳເລັດ ຂອງກອງ ປະຊຸມ ສຸດຍອດອາຊີ-ເອີຣົບ ຄັ້ງທີ 9 (ອາເຊັມ-9) ທີ່ສປປ ລາວ ເຮົາຮັບກຽດເປັນເຈົ້າພາບ ເພື່ອເຮັດ ໃຫ້ເຂົາເຈົ້າ ຮັບຮູ້ ເຖິງຜົນສຳເລັດດັ່ງກ່າວ ແລະ ຍັງເປັນການສຶກສາອົບຮົມ ໃຫ້ນັກສຶກສາ ມະຫາວິທະຍາໄລແຫ່ງຊາດ ເຂົ້າໃຈຢ່າງເລິກເຊິ່ງ ກ່ຽວກັບຜົນສຳເລັດໃນຄັ້ງນີ້ ແລະ ໃຫ້ສືບຕໍ່ເສີມ ຂະຫຍາຍ ມູນເຊື້ອ ອັນດີງາມນີ້ໄວ້ຕໍ່ໄປ ເຊິ່ງສະແດງໃຫ້ເຫັນ ເຖິງຄວາມເອົາໃຈໃສ່ ຂອງລັດ ຖະ ບານ ກໍຄືສູນກາງພັກ ທີ່ມີຄວາມ ເປັນຫ່ວງ ເປັນໃຍຄູ-ອາຈານພາຍໃນມະຫາວິທະຍາໄລແຫ່ງຊາດ
