spot_img
Homeຂ່າວຕ່າງປະເທດຊາວແມັກຊີໂກຊ໊ອກ! ພົບສົບດາລາສາວໃນອ່າງເກັບນໍ້າຂອງເມືອງ.

ຊາວແມັກຊີໂກຊ໊ອກ! ພົບສົບດາລາສາວໃນອ່າງເກັບນໍ້າຂອງເມືອງ.

Published on

້PAY-Carmen-Yarira-Noriega

ສໍານັກງານຂ່າວຕ່າງປະເທດລາຍງານວ່າ ວັນທີ14 ມັງກອນ ຫຼັງຈາກປະຊາຊົນຊາວເມືອງ ແມັກຊີໂກຊີຕີ້ ຮ້ອງຟ້ອງເລື່ອງນໍ້າດື່ມ ມີລົດຊາດແປກໆ ພວກເຂົາກໍ່ຄົ້ນພົບວ່າມີຜູ້ຍິງກໍາລັງເໜົ່າເປື່ອຍ ຖືກຖິ້ມໄວ້ໃນຖັງນໍ້າຂອງເມືອງມາເປັນເວລາ 11 ເດືອນ, ແນ່ນອນແລ້ວວ່າຄົນທັງເມືອງຕ່າງກໍ່ຕົກຢູ່ໃນສະພາວະຊ໊ອກ!.

ໂຄສົກຕໍາຫຼວດກ່າວວ່າ ເຈົ້າໜ້າທີ່ຖືກໂທນໍາມາໃຫ້ກວດສອບອ່າງເກັບນໍ້າ ແລະ ເມື່ອເປີດຝາອອກ ພວກເຂົາກໍ່ພົບຮ່າງຄົນທີ່ກໍາລັງເໜົ່າເປື່ອຍຢູ່ໃນນັ້ນ, ສົບຖືກນໍາສົ່ງສະຖາບັນນິຕິວິທະຍາສາດ ເພື່ອຫາສາເຫດການເສຍຊີວິດ.

ຈາກການກວດສອບປະຫວັດການເຮັດສັນຍາກໍາພາລາສະຕິກ ພົບວ່າຜູ້ເສຍຊີວິດຄື Carmen Yarira Noriega Esparza ເປັນທີ່ຮູ້ຈັກໃນຖານະ ດາລາສາວນັກສະແດງ ແລະ ນັກຈິດຕະວິທະຍາ ອາຍຸ 27ປີ. ຄັ້ງສຸດທ້າຍທີ່ມີຄົນເຫັນນາງຄືເດືອນ ກຸມພາ ປີທີ່ຜ່ານມາໃນໂຮງຍີມທີ່ເມືອງແມັກຊີໂກຊີຕີ້, ມີຄວາມເປັນໄປໄດ້ວ່າສາເຫດການຕາຍຂອງນັກສະແດງສາວໃນຄັ້ງນີ້ ອາດເປັນການລົງມືຂອງກຸ່ມຜູ້ທີ່ມີອິດທິພົນທີ່ພົວພັນກັບທຸລະກິດຄ້າຜູ້ຍິງ. ຢ່າງໃດກໍ່ຕາມການສືບສວນຂອງເຈົ້າໜ້າທີ່ຕໍາຫຼວດ ມຸ່ງປະເດັນໄປທີ່ຄວາມສໍາພັນລະຫວ່າງຜູ້ຕາຍກັບນັກທຸລະກິດທີ່ນາງກໍາລັງຄົບຢູ່ ກ່ອນທີ່ນາງຈະໄປມີຄວາມສໍາພັນພິເສດກັບ ນັກກົດໝາຍອີກຄົນ ໂດຍມູນເຫດຂອງການສັນນິຖານດັ່ງກ່າວມາຈາກຂໍ້ເທດຈິງທີ່ວ່າ ນັກທຸລະກິດເປັນຄົນຈ່າຍຄ່າເຊົ່າຫ້ອງ ທີ່ນາງອາໃສຢູ່ ແລະ ນາງກໍ່ຫາຍໂຕໄປ ໂດຍຄົນອຶ່ນຄິດວ່ານາງຍ້າຍອອກໄປແລ້ວ.

ຫຼັງຈາກການຫາຍໂຕໄປຂອງນາງ ເພື່ອນໆ ແລະ ຄອບຄົວຂອງ Carmen ໄດ້ໂພສຮູບພາບຂອງລາວຂຶ້ນໃນ Social media ເພື່ອໃຫ້ສາທາລະນະຊົນຊ່ວຍຕາມຫາ ຫຼັງຈາກໝົດຫວັງຈາກການຄົ້ນຫາຂອງຕໍາຫຼວດ.

ທາງດ້ານ Pal Javier Paz ເພື່ອນຮ່ວມງານອາຍຸ 30ປີ ຂອງ Carmen ກ່າວວ່າ ນາງເປັນຄົນມີຄວາມສາມາດ ແລະ ເປັນຄົນສວຍງາມ ການເປັນນັກສະແດງຄືຄວາມຝັນຂອງລາວ ຫຼັງຈາກທີ່ນາງບໍ່ມາເຮັດວຽກທີ່ຄຣີນິກ ພວກເຮົາທຸກຄົນຄິດວ່າລາວອາດຈະຖືກລັກພາຕົວໄປຂາຍໃນທຸລະກິດຄ້າກາມ ແຕ່ເບິ່ງຄືກັບວ່າ ຮ່າງຂອງນາງຢູ່ບ່ອນເກົ່າມາຕະຫຼອດ.

>> ຂອບໃຈhttp://news.sanook.com/1731045/

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...