ນັກມຸດນ້ຳຂອງກອງທັບເຮືອອິນໂດເນເຊຍ ພົບກ່ອງດຳຂອງເຮືອບິນ ແອຣ໌ ເອເຊຍ QZ8501 ແລ້ວ ໃນຄວາມເລິກ 30 ກ່ວາແມັດ.
ສຳນັກຂ່າວຕ່າງປະເທດ ລາຍງານໃນວັນທີ 11 ມັງກອນຜ່ານມາວ່າ ເຈົ້າໜ້າທີ່ອິນໂດເນເຊຍ ສາມາດຄົ້ນພົບກ່ອງດຳ ຂອງເຮືອບິນ ແອຣ໌ ເອເຊຍ ຖ້ຽວບິນ QZ8501 ທີ່ປະສົບອຸບັດເຫດຕົກໃນທະເລຊະວາແລ້ວ ໂດຍນັກດຳນ້ຳຂອງກອງທັບເຮືອອິນໂດເນເຊຍເປັນຜູ້ຄົ້ນພົບ, ແຕ່ພວກເຂົາກໍຍັງບໍ່ທັນສາມາດກູ້ເອົາກ່ອງດຳດັ່ງກ່າວຂຶ້ນມາໄດ້ເທື່ອ ເນື່ອງຈາກມັນຕິດຢູ່ໃນຊາກຊິ້ນສ່ວນຂອງເຮືອບິນ ໃນຄວາມເລິກ 30 – 32 ແມັດ ໂດຍເຈົ້າໜ້າທີ່ຈະດຳເນີນການກູ້ຂຶ້ນມາ ໃນຕອນເຊົ້າຂອງມື້ນີ້ (12 ມັງກອນ).
ທັງນີ້ ຍອດລວມສົບຂອງຜູ້ໂດຍສານທີ່ກູ້ສົບຂຶ້ນມາໄດ້ແລ້ວ ແມ່ນມີຈຳນວນ 48 ສົບ ໂດຍໃນນັ້ນແມ່ນສາມາດພິສູດເອກະລັກບຸກຄົນໄດ້ແລ້ວ 32 ສົບ.