”ໂນເລ ” ຄວ້າໄຊຊະນະ ແຕ່ດ້ານ” ຣາຟາ ” ພັດຕົກຮອບທໍາອິດ ສຶກເທນນິດ ກາຕາຣ໌” ທີ່ກຸງໂດຮາ ປະເທດກາຕາຮ໌ ເມື່ອວັນອັງຄານທີ່ຜ່ານມາ ສຶກເທນນິດ ເອທີພີ ທົວຣ໌  ລາຍການ ” ກາຕາຣ໌ ເອ໊ກຊ໌ຊອນໂມບີລ ໂອເພັນ ” ທີ່ກຸງ ໂດຮາ ປະເທດກາຕາຣ໌ ເມື່ອວັນອັງຄານທີ່ຜ່ານມາເປັນປະເພດຊາຍດຽວຮອບທໍາອິດ ”  ໂນເລ ” ໂນວັກ ຍໍໂຄວິຊ ມື1 ຂອງໂລກຈາກ ເຊີຣ໌ເບຍ ເອົາຊະນະເພື່ອນຮ່ວມຊາດ ດູຊານ ລາໂຢວິຊ 2 ແຊັດລວດ 6-2, 6-1 ເກັມຜ່ານເຂົ້າສູ່ຮອບທີ່ 2 ຕໍ່ໄປໄດ້ສໍາເລັດ ເຊັນດຽວກັບດາບິດ ເຟຣ໌ເຣຣ໌ ມື 4 ຂອງລາຍການຈາກ ສະເປນ ທີ່ຕ້ອງອອກແຮງເມື່ອຍເຖິງ 3 ແຊັດ ກວ່າຈະເອົາຊະນະ  ທີໂມ ເດີ ບັດເກີຣ໌ ຈາກ ເນເທີແລນດ໌ 2-1 ແຊັດ 4-7 , 6-4, 6-3 .

ດ້ານ ” ຣາຟາ  ” ຣາຟາເອລ ນາດາລ ມື 2 ຂອງລາຍການ ຈາກ ສະເປນ ເສຍແບບພິກລັອກ ໃຫ້ກັບ ມິຊາເອລ ເບີຣ໌ເຣີຣ໌ ຈາກ ເຢຍລະມັນ 1-2 ແໍຊັດ 1-6, 6-3, 6-4 ກະເດັນຕົກຮອບແບບ ຄາດບໍ່ເຖິງສຸດໆ ຂະນະທີ່ ຟີລິປປ໌ ໂຄຫ໌ລຊໄຣເບີຣ໌ ມື 5 ຂອງລາຍການຈາກເຢຍລະມັນ ພາດທ່າ ເສຍໃຫ້ກັບຄູ່ແຂ່ງຮ່ວມຊາດ ແຢນ-ເລນນາຣ໌ດ ສະຕຣັຟຟ໌ 1-2 ແຊັດ 3-7, 6-4, 1-6

ຜົນຄູ່ອຶ່ນໆ ທີ່ໜ້າສົນໃຈ ອັນເຄຼຍສ ເຊປປິ (ອີຕາລີ) ຊະນະ ເລໂອນາຣ໌ໂດ ເມເຍີຣ໌ (ອາຣ໌ເຈນຕີນ່າ, ມື8) 5-7,7-4,7-4, ໂທມັສ ເບີຣ໌ດິຊ (ເຊ໊ກ, ມື 3) ຂະນະ ເດນີສ ອິສໂຕມິນ (ອຸຊເບກິສຖານ) 6-1,6-4.