ເກີດເຫດລົດໄຟສອງຂະບວນຕຳກັນ ໃນຊານເມືອງ ຣິໂອ ເດິ ຈາເນໂຣ ຂອງປະເທດບຣາຊິນ ສົ່ງຜົນເຮັດໃຫ້ມີຜູ້ໄດ້ຮັບ
ບາດເຈັບ 229 ຄົນ.
ສຳນັກຂ່າວຕ່າງປະເທດ ລາຍງານໃນວັນທີ 7 ມັງກອນນີ້ວ່າ ເກີດອຸບັດເຫດລົດໄຟສອງຂະບວນ ຕຳກັນເມື່ອເວລາ 20 ໂມງ
20 ນາທີ ຕາມເວລາໃນທ້ອງຖິ່ນ ເມື່ອລົດໄຟຂະບວນໜຶ່ງໄດ້ຢຸດລົດທີ່ສະຖານີແລ້ວ ແຕ່ກັບມີລົດໄຟອີກຂະບວນໜຶ່ງແລ່ນ
ເຂົ້າມາຕຳເຂົ້າດ້ານຫລັງ ເຊິ່ງເກີດຂຶ້ນທີ່ເມືອງເມສະກິຕາ ຢູ່ນອກເມືອງ ຣິໂອ ເດິ ຈາເນໂຣ ຫ່າງອອກໄປ 34 ກິໂລແມັດ ເຊິ່ງ
ມີຜູ້ໄດ້ຮັບບາດເຈັບ 229 ຄົນ ໂດຍເປັນການບາດເຈັບເລັກໜ້ອຍເທົ່ານັ້ນ, ແຕ່ກໍມີເຖິງ 7 ຄົນ ບາດເຈັບເຖິງຂັ້ນໄດ້ເຂົ້າປິ່ນ
ປົວຢູ່ໂຮງໝໍ ແຕ່ກໍໂຊກດີທີ່ບໍ່ມີໃຜເສຍຊີວິດຈາກເຫດການດັ່ງກ່າວ.
