ສີຕາເລື້ອຍໆ ເຮັດໃຫ້ເກີດຮີ້ວຮອຍແທ້ ຫລື ບໍ່ ຄຳຖາມນີ້ສາວໆ ຄົງໄດ້ຍິນກັນມາເລື້ອຍໆ ແລະ ເຊື່ອວ່າຄົງມີຫລາຍຄົົນທີ່ກຳລັງສົງໄສກ່ຽວກັບເລື່ອງນີ້ກັນຢູ່ ຊຶ່ງຈະແທ້ ຫລື ບໍ່ ມື້ນີ້ລາວໂພສມີຄຳຕອບ
ສາວໆເປັນກັນຫລືບໍ່ ເມື່ອເວລາຄັນຕາຍາມໃດ ຕ້ອງເອົາມືໄປສີຕາໃຫ້ເຊົາຄັນ ໂດຍສະເພາະສາວໆ ທີ່ເປັນພູມແພ້ ທີ່ມັກຈະເກີດອາການຄັນ ແລະ ເຄືອງຕາເລື້ອຍໆກວ່າຄົນອື່ນໆ… ຈາກຈຸດນີ້ຈຶ່ງເປັນທີ່ມາຂອງຄຳບອກກ່າວເລົ່າລືວ່າ ກາສີຕາເລື້ອຍໆຈະເຮັດໃຫ້ເກີດຮິ້ວຮອຍໄດ້ງ່າຍ ຊຶ່ງສາມາດສັງເກດໄດ້ຈາກສາວໆ ຜູ້ທີ່ເປັນພູມແພ້ມັກຈະມີຮິ້ວຮອຍຫລາຍກວ່າຄົນປົກກະຕິ ສິ່ງນີ້ຈຶ່ງເປັນເຄື່ອງຢືນຢັນໄດ້ວ່າ ການສີຕານີ້ຫລາຍເຮັດໃຫ້ເກີດຮິ້ວຮອຍແທ້ແນ່ນອນ ແຕ່ຈະເປັນເພາະສາເຫດຫຍັງນັ້ນ ມາເບິ່ງກັນເລີຍ
ສຳລັບສາເຫດຂອງບັນຫານີ້ ກ່ອນອື່ນຕ້ອງຂໍບອກແລະເຕືອນສາວໆ ໄວ້ກ່ອນເລີຍວ່າການສີຕາເລື້ອຍໆ ຖືເປັນການກະທຳທີ່ລົບກວນຜິວກ້ອງຕາຢ່າງຮຸນແຮງ ແລະຈະເຮັດໃຫ້ຜິວໜັງທີ່ບອບບາງບໍລິເວນຮອບດວງຕານັ້ນເກີດຮອຍຍັບ ຫລື ຮອຍຕີນກາແບບໄດ້ງ່າຍ ນອກຈາກນີ້ຍັງຈະເຮັດໃຫ້ເກີດຮອຍຄ້ຳກ້ອງຕາກາຍເປັນໝີແພນດ້າໄດ້ອີກດ້ວຍ ແຕ່ທັງນີ້ໃນຂະນະທີ່ສາວໆ ອາຍຸຍັງນ້ອຍບັນຫານີ້ກໍອາດຈະຍັງບໍ່ເຫັນຜົນຊັດເຈນເທົ່າໃດ ແຕ່ຖ້າຫາກອາຍຸເພີ່ມຫລາຍຂຶ້ນ ຄວາມຍືດຫຍຸ່ນຂອງຜິວກໍຈະລຸດລົງແລະຈະເຮັດໃຫ້ເກີດຮິ້ວຮອຍເລິກ ຫລື ຮອຍຕີນກາຢ່າງຖາວອນ ຂຶ້ນມານັ້ນເອງ
ເມື່ອຮູ້ກັນແລ້ວວ່າການສີຕາເລື້ອຍໆ ຈະເຮັດໃຫ້ເກີດຮິ້ວຮອຍ ດັ່ງນັ້ນສາວໆ ຈຶ່ງຄວນຫລີກລ້ຽງການສີຕາໂດຍເດັດຂາດ ແຕ່ຖ້າຫາກເກີດອາການຄັນຕາຂຶ້ນມາແທ້ໆ ໃຫ້ລ້ຽງການໃຊ້ມືສີຕາ ໂດຍໃຫ້ຫລັບຕາແລ້ວໃຊ້ນິ້ວມືກົດເບົາໆກໍພໍ ສ່ວນສາວໆທີ່ສີຕາເລື້ອຍຈົນເກີດລິ້ວຮອຍຂຶ້ນມາແລ້ວ ກໍໃຫ້ປິ່ນປົວຣິ້ວຮອຍໂດຍການໃຊ້ຜະລິດຕະພັນບຳລຸງຜິວຮອບດວງຕາທີ່ມີສ່ວນປະສົມຂອງຄອນລາເຈນ ສະເຕັມເຊລ໌ ຫລື ສານສະກັດຈາກສາຫລ່າຍທະເລນ້ຳເລິກ ຊຶ່ງຜະລິດຕະພັນເຫລົ່ານີ້ຈະຊ່ວຍຮັກແລະ ເຕີມເຕັມຮ່ອງລິ້ວຮອຍໃຫ້ເບິ່ງເພີ່ມຂຶ້ນ ແລະ ຈະເຮັດໃຫ້ເຈົ້າກັບມາເບິ່ງອ່ອນເຍົາໄດ້ອີກຄັ້ງ
