ພຽງໄລຍະ 3 ວັນຢູ່ນະຄອນຫຼວງວຽງຈັນ ຊຶ່ງເປັນໄລຍະທີ່ປວງຊົນລາວບັນດາເຜົ່າໃນຂອບເຂດທົ່ວປະເທດ ກຳລັງເບີກບານ
ມວນຊື່ນກັບການສະຫຼອງປີໃໝ່ສາກົນ ຊຶ່ງນັບແຕ່ວັນທີ 30 ທັນວາ 2014 ຫາວັນທີ 1 ມັງກອນ 2015 ມີອຸບັດເຫດເກີດຂຶ້ນ
ທັງໝົດ 28 ລາຍ ແລະ ມີຜູ້ເສຍຊີວິດ 6 ຄົນ.
ອີງຕາມຂໍ້ມູນຈາກພະແນກຕຳຫຼວດຈະລາຈອນ ນະຄອນຫຼວງວຽງຈັນ ເປີດເຜີຍໃຫ້ຮູ້ວ່າ: ສະພາບເສດຖະກິດຢູ່ບ້ານເຮົາ
ແມ່ນມີການຂະຫຍາຍຕົວໄວສົ່ງຜົນເຮັດ ໃຫ້ພາຫະນະເພີ່ມຂຶ້ນຢ່າງຕໍ່ເນື່ອງ ໂດຍສະເພາະໄລຍະສ້າງສັນຊຸມແຊວສົ່ງທ້າຍປີ
ເກົ່າຕ້ອນຮັບປີໃໝ່ ສາກົນ 2558 ນີ້ ສະຖິຕິການເກີດອຸບັດເຫດຍັງມີຫຼາຍຢູ່.
ນັບແຕ່ວັນທີ 30 ທັນວາ 2014 ຫາວັນທີ 1 ມັງກອນ 2015 ນີ້ ຕົວເລກການເກີດອຸບັດເຫດຢູ່ນະຄອນຫຼວງ ວຽງຈັນ ທັງໝົດ
28 ລາຍ, ພາຫະນະເປ່ເພເລັກນ້ອຍ 22 ຄັນ, ສົມຄວນ 31 ຄັນ, ໃຊ້ການບໍ່ໄດ້ 1 ຄັນ, ມີຄົນ ໄດ້ຮັບບາດເຈັບເລັກນ້ອຍ 15 ຄົນ,
ສົນຄວນ 18 ຄົນ, ສາຫັດ 9 ຄົນ ແລະ ເສຍຊີວິດ 6 ຄົນ.
ສຳລັບສາເຫດການເກີດອຸບັດເຫດສ່ວນໃຫຍ່ກໍຍັງແມ່ນເມົາແລ້ວຂັບ ແລະ ບໍ່ຮັກສາກົດລະບຽບຈະລາຈອນພາຫະນະທີ່ເຂົ້າ
ຮ່ວມໃນການເກີດ ອຸບັດເຫດ ສ່ວນໃຫຍ່ແມ່ນລົດຈັກ ແລະ ເສັ້ນທາງ ທີ່ມັກເກີດຂຶ້ນແມ່ນທາງ 13 ເໜືອ, ໄກສອນສ່ວນ
ເມືອງທີ່ເກີດອຸບັດເຫດຫຼາຍກວ່າໝູ່ແມ່ນ ເມືອງໄຊທານີ, ເມືອງສີໂຄດຕະບອງ ແລະ ໄຊເສດຖາ.
ແຫລ່ງຂ່າວ: ເສດຖະກິດ – ສັງຄົມ