ປັດຈຸບັນ ເສດຖະກິດ-ສັງຄົມຂອງບ້ານເຮົາ ຖືວ່າມີການຂະຫຍາຍຕົວຢ່າງຕໍ່ເນື່ອງ ແລະ ເຂັ້ມແຂງ ອັນໄດ້ເຮັດໃຫ້
ວຽກງານການພັດທະນາຊີວິດການເປັນຢູ່ຂອງປະຊາຊົນ ບັນດາເຜົ່າ ໄດ້ຮັບການປັບປຸງດີຂຶ້ນ ຄຽງຄູ່ກັບການຂະ
ຫຍາຍຕົວທາງດ້ານເສດຖະກິດ-ສັງຄົມ ຕາມຍຸກສະໄໝ ບັນຫາປາກົດການຫຍໍ້ທໍ້ໃນສັງຄົມ ກໍ່ນັບມື້ເກີດຂຶ້ນ-ຮຸນ
ແຮງ ແລະ ເພີ່ມຂຶ້ນ ໂດຍທຸກພາກສ່ວນຕ້ອງເປັນເຈົ້າການແກ້ໄຂຢ່າງຮີບດ່ວນ ເພື່ອສ້າງໃຫ້ ສປປ ລາວ ມີການ
ພັດທະນາທີ່ຍືນຍົງ.
ກະຊວງປ້ອງກັນຄວາມສະຫງົບ ຈັດກອງປະຊຸມວຽກງານປ້ອງກັນຄວາມສະຫງົບທົ່ວປະເທດ ປະຈຳປີ 2014 ໃນລະ
ຫວ່າງວັນທີ 5-6 ມັງກອນ 2015 ຢູ່ທີ່ຫ້ອງປະຊຸມໃຫຍ່ກະຊວງດັ່ງກ່າວ ໂດຍການເຂົ້າຮ່ວມຂອງທ່ານ ພົນຈັດຕະວາ
ສົມແກ້ວ ສີລາວົງ ຮັກສາການລັດຖະມົນຕີວ່າການກະຊວງປ້ອງກັນຄວາມສະຫງົບ ພ້ອມດ້ວຍລັດຖະມົນຕີຊ່ວຍ
ວ່າການ ແລະ ບັນດາຫົວໜ້າກົມ ຫ້ອງການກ່ຽວຂ້ອງ.
ທ່ານ ພົນຈັດຕະວາ ສິນທະວົງ ໄຊຍະກອນ ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບ ໄດ້ຜ່ານບົດສະ
ຫຼຸບປະຈຳປີ 2014 ແລະ ແຜນວຽກປີ 2015 ໂດຍຕະຫຼອດ 1 ປີຜ່ານມາ ຄະນະພັກ ຄະນະນຳກະຊວງໄດ້ເອົາໃຈໃສ່ຢ່າງ
ຫ້າວຫັນ ເຂົ້າໃນການຈັດຕັ້ງປະຕິບັດວຽກງານເຜີຍແຜ່-ສຶກສາອົບຮົມການເມືອງ ແນວຄິດໃຫ້ສະມາຊິກພັກ-ພະນັກ
ງານທົ່ວກຳລັງປ້ອງກັນຄວາມສະຫງົບ ຄຽງຄູ່ກັບການປະຕິບັດວຽກງານວິຊາສະເພາະດ້ວຍຄວາມຮັບຜິດຊອບສູງ
ເຊິ່ງໄດ້ສຸມໃສ່ແກ້ໄຂປາກົດການຫຍໍ້ທໍ້ໃນສັງຄົມ ປີ 2014 ມີຄະດີອາຍາເກີດຂຶ້ນທັງໝົດ 3.956 ເລື່ອງ ມ້າງໄດ້ 1.938
ເລື່ອງ ກັກຕົວຜູ້ຖືກຫາ 4.543 ຄົນ/ຍິງ 819 ຄົນ ທຽບໃສ່ປີ 2013 ຄະດີເພີ່ມຂຶ້ນ 517 ເລື່ອງ (ສະເພາະຢູ່ນະຄອນຫຼວງ
ວຽງຈັນ ມີ 2.460 ເລື່ອງມ້າງໄດ້ 1.348 ເລື່ອງ ກັກຕົວ 2.271 ຄົນ/ຍິງ 313 ຄົນ) ຄະດີອຸບັດຕິເຫດເກີດຂຶ້ນທັງໝົດ
5.037 ເລື່ອງ ພາຫານະເປ່ເພ 9.204 ຄັນ ບາດເຈັບ 8.212 ຄົນ ເສຍຊີວິດ 917 ຄົນ ທຽບໃສ່ປີ 2013 ອຸບັດຕິເຫດຫຼຸດ
ລົງ 369 ເລື່ອງ ແຕ່ຜູ້ເສຍຊີວິດເພີ່ມຂຶ້ນ 99 ຄົນ ບັນຫາອັກຄີໄພ ປີ 2014 ມີອັກຄີໄພເກີດຂຶ້ນທັງໝົດ 158 ຄັ້ງ ມູນຄ່າ
ເສຍຫາຍ 33,5 ຕື້ກວ່າກີບ ແລະວຽກງານຕ້ານ-ແກ້ໄຂຢາເສບຕິດທົ່ວປະເທດ ມີຄະດີຢາເສບຕິດເກີດຂຶ້ນທັງໝົດ
1.658 ເລື່ອງ ກັກຕົວໄດ້ 2.538 ຄົນ/ຍິງ 590 ຄົນ ຄົນຕ່າງປະເທດ 45 ຄົນ/ຍິງ 14 ຄົນ ສາມາດຢຶດຂອງກາງປະເພດ
ຢາບ້າ 363,31 ກິໂລ ເຮໂລອິນ 163,94 ກິໂລ ຢາໄອ້ 8,85 ກິໂລ ຝິ່ນ 15,1 ກິໂລ ກັນຊາແຫ້ງ 1.252 ກິໂລກຼາມ ລົດໃຫຍ່
59 ຄັນ ແລະ ລົດຈັກ 229 ຄັນ ທຽບໃສ່ປີ 2013 ເພີ່ມຂຶ້ນ 339 ເລື່ອງ.
ແຫລ່ງຂ່າວ: ວຽງຈັນໃໝ່